Ku: Dhammaan
aqoonyahannada iyo waxgaradka Beesha Kablalax
Daarood.
Sida aad la wada socotaan,
waxaa muddo dhawr bilood hortood ah dhidibbada loo
taagey boodhkana laga hufay, isu soo dhoweynta iyo
isfahansiinta bahweynta Beesha Kablalax Daarood.
Beeshaas oo isku dhaqan ah dhalashona ka dhexayso,
oo aan ahayn mid isu gaashaan buursanaysa
siyaasad ama arrimo kale, sida ay marar badan
beelaha Soomaaliyeed qaarkood sameeyaan; iyadoo
ayan isu keenin dhalasho. Isbahaysiga beesha
Kablalax Daarood waa mid run ah, waayo waan dad
wada dhashay wana nimco uu Ilaahay siiyey.
Waxaa eebbe nala garab galay,
in aannu dadkaas shakigii iyo dareenkii xumaa oo
ku kala jirey kaga suulinno muddo gaaban gudeheed,
ka dib markii aannu dhawr shir oo isdaba joog ah u
abaabulnay, natiijadiina ay noqotay, in laysu
calool fayoobaado oo gacmaha la is qabsado, meel
kastaba adduunka ha ka joogeene. Waxaad arkaysaa,
inay tahay arrin u baahnayd dadaal iyo abaabul aan
sidaa u sii weyneyn. Waayo mar hore ayay dalkii
gudihiisii oo dhan iyo dibeddiisaba ifafaale weyn
oo midnimo ka muujisay.
Sida aad la wada socotaan,
waxaa abaabulku markii ugu horreysey ka bilowday
waddanka Denmark gaar ahaanna magaala madaxda
labaad ee Aarhus. Waxaana bilaabay dhoowr dhallin
yaro ah oo u dhashay beesha, saaxiibtinnimana ay u
dheer tahay oo aad isu aamminsan isla markaana ah
rag aqoonyahan ah.
Waxaa laysla wada qiray inaan
arrimaha Soomaaliya waxba ka soo naasa caddayn oo
la majare habaabiyey, dulmi badanina jiro,
garoowshana aanu jirin, waxaana ah xaqiiq in la
doonayo in la duudsiyo beelo Soomaaliyeed; iyadoo
sababaha keenay arrintaas ay ka mid tahay kala
daadsanaanta iyo tafaraaruqa muddo dheer ku dhex
jirey Beesha Kablalax Daarood. Ujeeddada laga
leeyahay abaabulkan cusub oo beeshuna waa in la
helo midnimo Soomaaliyeed.
Marka dhammaan aqoonyahanka
iyo waxgaradka Beesha Kablalax Daarood meel kastoo
ay kaga nool yihiin adduunka, waxaa looga baahan
yahay waajibna ku ah, inay u guntadaan sidii ay
abaabulka iyo midaynta beesha uga qayb qaadan
lahaayeen ugana tiirin lahaayeen dhinacooda;
iyagoo is wada kaashanaya, sideedaba iyo marba
haddii ay inoo wada caddahay, inay beelo aan
wadaagin dhalasho isu soo bahaysteen xumaanteenna.
Waa inay wax u sheegaan oo wacyi geliyaan dhammaan
dadka u dhashay beeshaan, si fiicanna uga
dhaadhiciyaan sida ay tahay xaqiiqda dhabta ah oo
maanta ka jirta dalka Soomaaliya; iyagoo ku
boorrinaya uguna baaqaya iskaashi iyo wada
shaqayn. Waxaa kale oo looga baahan yahay, inay
dhammaan dalalka ay kala joogaan siiyaan warbixin
ku saabsan sababaha dulmiga iyo dagaalladu ugu
bateen dalkeenna, si bulsho weynta adduunku u
ogaato waxna uga qabato.
Gabayaaga Soomaaliyeed ee
Qaasim, wuxuu yiiri: ”Dacartuba marbay
malab dhashaa oo aad muudsataa dhabaqe, waxaan
ahay macaan iyo kharaar meel ku wada yaale,
midigtayda iyo bidixdu waa labo mataanoode,
tabantaabaday labo gacmood tamar ku yeeshaane,
tiskana waxa la qaadaa markay tiirisaa bidixe,
hadday midigtu keli taagan tahay tahar ma goyseene
…”.
Macnaha ninkii
rag ahi wuu garan karaa, bay nala tahay doqonina
waa yeelkeed.
Walaalayaal xil weyn ayaa si
gaar ah idiinka saaran dadkiinna iyo dalkiinna,
waxaadna xaq iyo waajib u leedihiin inaad diiddaan
dulmiga iyo gardarrooyinka badan oo laga wado
deegaannadeenna iyo dhammaanba Soomaaliya. Waxaana
idinla gudboon inaydaan ku bakhaylin wixii aad
garasho iyo aqoon leedihiin ee waa inaad isu
geysaan waana inaad yeelataan samir iyo dulqaad,
si ay gacmaha isu qabsato oo aan loo dhex marin
beeshiinna. Sababtoo ah waxaan shaki ku jirin, in
inta kooxda carta ka jirto Soomaaliya ay fidmo,
dulmi iyo argagixiso ka jirayaan.
Gabayaagii caanka ahaa ee
Soomaaliyeed Xaaji Aadan Afqallooc (Allah ha u
naxariistee) baa wuxuu yiri: ”Dadka kale
ninkiisii wax tara waa tammadiyaaye, idinkuna
caqliga taamudka ah baad ku tumataane …”.
Waxaa walaalayaal noo muuqda
ifafaale midnimo iyo dawladnimo Soomaaliyeed,
waddada keliya oo loo mari karaana waa hawsha
aannu hadda wadno. Waayo cid kale oo danaynaysa
ama raadineysa midnimo Soomaaliyeed ma muuqato.
Haddaad taas caddaynteeda u baahan tahayna waa
inaad eegtid waxa 11 kii sano ee la soo dhaafay ka
socdey Soomaaliya walina ka socda.
Guddiga Dhexe ee ku
meelgaarka ah ee Beesha Kablalax Daarood/ Denmark.
unitedkablalax@yahoo.com
Qoraaladii Hore ee Kablalax
Denmark:
|
