Waxaa Qoray
Mohamed Sheik Ahmed
libaaxdabre@hotmail.com
Ku: Boqor Maxamuud Boqor Muuse,
Ku: Islaan
Maxamed Ismaan Muuse,
Ku: Dhamaan
Isimada PL ee sharafta mudan,
Ku:
Aqoonyahannda Puntland,
Ka: Dhamaan
beelaha wada dega GOBOLKA BARI
CAMBAARAYN LOO JEEDINAYO
GO’AANKA UU QAATAY JAAMAC CALI
Oslo, Norway.
Waxaan,
haddaan nahay qaar ka mida jaaliyadda Puntland ee ku dhaqan
Yurub, canbaaraynaynaa ficilka fool xumada badan ee uu
qaatay Jaamac Cali Jaamac; ee uu kaga qayb galay shirka
kasocda Nairobi, maadaama ay meel ka dhac ku tahay go’
aanadii ay ku heshiiyeen dadka reer Puntland, iyo Isimadooda.
Inta badan reer Puntland wuxuu layaabanaa
dagaalka iyo damac badnida C/laahi Yuusuf ee ahaa inuu
xukunka isku dhejiyo, laakiin reer Puntland marna kama cabsi
qabin in ay bedelaan rag lamida ama kadaran.
Maanta shacabkii Puntland waxaa soo wajaahay
laba daran mid dooro:
1] Inuu doorto Col. C/llaahi Yuusuf, kaasoo
raba inuu xukunka sinaba uga fara baxsan tan iyo intuu nool
yahay, ama
2] Inuu doorto Jaamac Cali Jaamac oo qaxooti
ka ahaa London, shir ku sheeggii Carta kadibna uu Ina Salaad
Booy u yeeray si’uu u dumiyo shacabka Puntland.
Sidaan
kawada warqabno Jaamac Cali iyo Isimo tiro yar oo uu hor
kacayo Suldaan Garaase, Kana qayb galay shi kusheeggii Carta,
waxay maanta kaga jiraan baal mugdiyah taariikhda
soomaaliyeed iyo tan Puntland labadaba qodobo dhowr ah
darteed:
- Waa ayaan darro in nin shacabkiisii lagu gumaaday Jubbooyinka uu
weli lee yahay Ina Salaad Booy baa madax-weyne ii-ah,
isagoo damiirkiisii iyo kii shacabkiisaba siistay dhowr
kun oo dollar;
- Waa ayaan darro in uu qof damiir leh uu dumiyo gurigiisii isagoo
leh waxaan dhisayaa guriga nin bur cad ah oo
ujeeddadiisu tahay inuu PL ka sameeyo wuxuu koonfurta ka
samaynayo ee ah dilka, dhaca, kufsiga IWM ;
- Waa ayaan darro in niman sheeganaya magacyo Isimeed ha ugu
horreeyee Garaase ay qaataan lacag si ay u dumiyaan
maamulkooda, iyagoo lagu khalday in loo baahan yahay
Soomaali weyn ee aan loo baahnayn wax layiraahdo
Puntland; weligeed taariikhda Soomaalida kama dhicin in
hoggaamiye dhaqameed shacabkiisa uu u horseedo dhiig
si’uu u taageero burcad xaaraan ku haysta dhul
dadkiisa deggen yahay;
- Waxaa layaab leh Suldaan Garaase inuu BBC-da kasii daayo hadal uu
afkiisa kasoo bixi karo qabqable dagaal oo qudha, kaasoo
ah: Haddii uu C/laahi ka bixin Garoowe dagaal baan ku
qaadayaa, waxaa isweydiin mudan Garaase ninkuu u yaqaan,
uguna yeero Jaalle Madax-weyne C/qaasim (waa INA SALAAD
BOOY, HOGGAAMIYAHA KOOXDA CARTA), wuxuu haystaa Kismaayo,
muxuu ugu dhawaaqi waayey hadalada noocaas ah ee hadda
kasoo yeeray.
- Waxaa layaableh in Isimo haybad ku leh dhulkeena la khalday, beenna
laga dhaadhiciyey, iyadoo ay waxyaabo aanan jirin u
akhriyeen Isimo lacag kasoo qaatay Ina Salaad Booy.
Waxaan ugu baaqaynaa Isimada sharafta ku leh
dhulkeena ee ay kamid yihiin BOQOR MAXAMUUD IYO ISLAAN
MAXAMED, inay qaataan go’ aamo ad adag oo ay kamid yihiin
in Jaamac Cali Jaamac loo diido inuu dalka dib ugusoo laabto,
maadaama uu aaday shir ah shirqool ay cadawgeena samaysteen,
annagoo ka baqayna hadduu Jaamac kusoo laabto BOOSAASO ay
dhacaan dagaallo ka xun kuwii ka dhacay maagaalada Muqdisho,
maadaama hadda laga bilaabo Jaamac uusan haysan taageerada
dadka deggan GOBOLKA BARI, uuna iibsaday magacoodii, sidoo
kale waxaan ka codsanaynaa Isimada lagu yaqaan haybadda iyo
hufnaanta inay tallaabo aan naxariis lahayn ka qaataan
Isimada Ina Salaad Booy uu ku adeeganayo, taasoo ah ceeb
noosoo hoyotay, ahna mid aan taariikhda ku gelayno maadaama
aysan jirin beel Isimadeeda qaar kamida uu iibsaday nin
siyaasi ah,
Sidoo
lake waxaan ugu baaqaynaa dadka ku nool Puntland inay kala
doortaan Jaamac Cali oo aan wax qiimo ah maanta noogu fadhin,
kuna socda inuu Puntland u gacan geliyo MOORIYAANTA HAYSATA
KISMAAYO iyo inay damiirkooda dhawrtaan.
Waxaa
xusid mudan, aynuna taageeraynaa bayaanadii talada ahaa ee
ay soo saareen waxgaradka gobolkeena sida QAYLODHAAN
DHABADEED, MAXAA HAYSTA SHACABKA PL IYO KUWA BADAN, waxaan
ugu baaqaynaa aqoonyahanadeena inaysan meel cidla ah uga
dhaqaaqin shacabkooda, waad aragtaan oo waanagu dhacday
sharaf xumadii nalala damacsanaa, oo waataa wafuudda IGAD oo
tagaysa Muqdisho iyo Hargeysa liiska uguma jiraan PL, iyadoo
nalagu xisaabiyey inuu Ina Salaad Booy wakiil naga yahay,
taasoo uu raalli ka yahay walaalkeen Jaamac!!
Wa billaahi
tawfiiq
Mohamed Sheik Ahmed
libaaxdabre@hotmail.com
|