July 07-2002-

Sii deyn deg-deg ah:

Ka dib markii la soo gunaanaday shir sanadeedkii 1aad ee Golaha Midnimada Muddullood
kana dhacay magaalada Katrineholm (Sweden) intii u dhaxeeysay 6da -7da july, 2002 ayaa la waxaa la go`aansaday:

1. Aqoonyahanada Muddullood meel kasta aay joogaan doorka ugu fiican aay ka qaataan horumarinta garaadka aqooneed ee bulsho weynta ku dhaqan gobolada iyo degmooyinka ey degaan. Waa ineey aqoontooda ugu adeegaan bulshada oo aay ka shaqeeyaan horumarinta aqooneed ee mudulood.
   
2. Ganacsatada waa ineey joojiyaan taageerida dhaqaale cidkasta oo ka soo horjeeda horumarka iyo muumulka mudulood balse ku dadaalaan in ey u naxaan shacabkooda oo sii bur-buraaya kuna dadaalaan horumarinta beesha mudulood oo aay aas-aasaan cisbitaalo dugsiyo waxbarasho, suuqyo ganacsi si aay degmooyinkaas iyo goboladaas mudulood ey u gaaraan isku filaasho.
   
3. Golaha Midnimada Muddullood ma aqoonsano maaamulkii carte lagu soo dhisay oo u keenay dalka fashilaad iyo bur-bur hor leh oo loo baahan yahay in soomaaliya isugu timaada shir loo wada dhan yahay oo lagu soo dhiso dawlad loo wada dhan yahay oo ku salaaysan qaabka maamul goboleysiga.
   
4. Golaha Midnimada Muddullood wuxuu cadeynayaa iney kala duwan tahay u dhalasho iyo ku dhalasho gobolka banaadir; banaadirna ay tahay gobol mudulood. Hogaamiyayaasha siyaasadeed ee Muddullood waxaan ku wargelineeynaa in Golaha Midnimada Muddullood (GMM) uusan taageeri karin, kana soo horjeedaan siyaasi kasta oo aan aminsanayn in gobolka banaadir uu yahay dhul mudulood.

Dr. Cabdi Maxamed Culusow, Guddomiyaha
Golaha Midnimada Muddullood (GMM)
drabdi2000@yahoo.com