Marka hore waad salaamatihiin.Waxaan aad iyo aad ula
yaabanahay arrimaha dalka Somalia sida mucjisada leh ay isu
rogrogaayaan.Waxaa intaasi kasii daran dabka nooga yimid Carta
Jabuuti,ololkii ololaayey ayey bansiin ku
waraabiyeen.Meel ololeyso oo bansiin lagu waraabiyey maxaa
laga dhowraayaa.Taasi waxay markhaati cad ay u tahay in
shirkii carta uu ahaa shirqool ay ka dambeeyeen sharwadayaal
oo uu horseed ka yahay ismaaciil cumar geelle iyo kuma maanka
yihiin oo uu ka mid yahay cabdiqasim oo ah nin aad u
jahwareersan jaahil ah oo aan wax war iyo wacaadna u heynin
waayaha socodka taariikhda adduunka,waa nin ku jiifa barkin
dheer ka indho xiran isbeddelka ka socda dacalada adduunka.
Inkastoo uu mas'uul kasoo ahaa dawladii militariga aheyd,(oo
hibo ahaan u siisay mas'uulnimo magtii aabahiisa ahaan
awgeed).Waa yaab iyo amakaak.( Waxaa mucjiso ah cudurka
Madaxnimada haaya Habargidir yaa u ballan qaaday ? Maxay
habargidir dadka kale dheer yihiin ? Qof Jaahil ah oo aan
laheyn aqoon aad u durugsan,samir iyo dulqaad ka maqan yahay
mas'uul dal dhan maka noqon karaa ? )
Sidoo kale waxaa iga su'aal ah miyeyna xaq u laheyn
muwaadiniinta kale inay madax ka noqdaan Somalia sida Reer
Benadir,Raxanweyn,Jariirta iwm.
Burburka Somalia waxaa u sabab ahaa:-
1)- Caddaalad Darro
2)- Sinnaan La'aan.
jeer aan la helin 2 qodob kor ku tilmaaman wax ka hagaagaayo
arrimaha Somalia haba yaraatee majiraan.Xaqa maalintii Alla
Idmo ayuu dilaaci doonaa,mana jiro qof is hortaagi karo.
Wa Bilaahi Tawfiiq
Elmi Abdu
elmiabdu@hotmail.com
NIN HULAABASHO BADAN INUU WAX
QARSANHAYO LA MOODAA
Ereyada kor ku qoran sow ma ah tabta uu ku socdo laguna
tilmaami karo
Cabdisaqaasim iyo kooxda jahwareersan oo carta nooga
yimid.Ereyadaasi waxay kasoo maaxeen Marxuum Yuusuf Sheekh
Cali Samatar oo Raadiyo Muqdisho ka bixin wargelin joogto ah
barnaamijkii lagu magacaabi jiray Murtada Maanta.Run sheeg waa
ceeb sheeg.
Ma ahan waxa aan anigu soo alifay ama mala'awaal aan
soo alifay,waxaa laga heli karaa keydka cajaladaha Raadiyo
Muqdisho ama BBC-da Laanta Af-Somaliga qofkii doonaayo inuu
hubsasho soo hubsado way u furan tahay.
Sidaasi iyo nabadgalyo.
Elmiabdu
Elmiabdu@hotmail.com
|