BAAQ
NABADEED
May
2, 2002
Ku
Socoto: Isimada Puntland
Ku
Socoto: Mudane Cabdullaahi Yusuf Ahmed
Ku
Socoto: Mudane Jaamac Cali Jaamac
Ku
Socoto: Shacabka Reer Puntland, Soomaalia
DAGAAL
MAXALBAA? MAYA, MAYA, MAYA…
Anigoo
ka faa’iidaysanaya shabakadaha Internetka waxaan jeclaan lahaa in aan ka
siiyo wax yar oo feejignaan ah dhibaatada ku soo socota shacabka reer
Puntland. Anigoo ka ah dhexdhexaad arimaha Puntland.
Waxaa
ayaamahaan ka welwelsanahay daruuraha dagaaleed ee ka soo curmaya dacalada
Puntland. Waxaan aad iyo aad uga xumahay in ay dagaaladii sokeeye ee
Soomaaliya oo ay Puntland ka badbaadey kow iyo tobankii sano ee lasoo
dhaafay ay maanta u xeydxeydanayso. Waxaan
aad uga xumahay in maanta oo soomaali oo idil ay isu xirxirayso nabad iyo
hishiis iyo inay ka gudbaan waxay kala kulmeen kow iyo tobankii sano ee
halaaga ahaa ay maanta Puntland gadaal ugu noqotay oo ay doonayso in ay
nolosheeda ka soo bilawdo kow iyo sagaashankii.
Waxaan
uga digayaa labada kooxood ee arimaha siyaasada isku haya in ay ka
foojignaadaan waxyaabaha uga imankara, anigoo ka soo qaadanaya taariikhdii
ka dhacday Muqdisho oo ay ka mid ahaayeen.
-
Dad
ehel ah in ay isku laayaan:
waxaan umalaynaynaa in la hilmaamay oo aan u baahanahay in aan isasoo
xusuusino waxyaabihii ka dhacday dagaaladii Muqdisho. In ay isku
laayeen labo walaalo ah oo labada dhinac kasoo kala jeestay waxaa taa
ka sii daran nimankii isku hojuumshay oo ay isku laayeen walaalaha
Soomaaliyeed ay horay ka hishiiyeen iyadoo dib loo soo eegin dadkii ku
dhaawacmay, dadkii ku geeriyooday, ama xoolihii ku baaba’ay. (Dib u
eeg Taariikhda Muqdisho)
-
Waxaa
baaba’aya dhaqaalihii:
Bal aan dib isu soo xusuusino wixii ka dhacay Muqdisho. Waxaa abuurmay
in loo sameeyo waxay ugu yeereen qadkii cagaarnaa “green line” oo
waxay kala xireen dhaqaalihii iyagoo dan gaar ah ka leh. Oo maxay kaga
duwanaanaysaa Puntland? Waa waxba. Dhaqaalihii yaraa ee u abuurmay ee
shacabkii isku xirnaa ee Puntland baa xirmaaya oo ay ku xirnayd
qutuliyooka shacabka xoogsatada ah. (Dib u eeg Taariikhda Muqdisho)
-
Waxaa
bilaabanaya Qax:
Waxaan u malaynayey in shacabka reer Puntland ay ka dheregsanyihiin
dhibaatada dagaaleed. Bal wax yar aan idinka soo xusuusiyo. Dagaal
walba waxaa lasocda Qaxooti, Cudur, dhimasho iyo dhaawac, oo shacab ku
habsada. “Dagaal wiil kuma dhashee wiil baa ku dhinta.” (Dib u eeg
Taariikhda Muqdisho)
-
Ujeedada
dagaalka:
Wax walba oo aduunkaan jira waxay leeyihiin xal si nabad lagu gaari
karo waa hadii daacad laga wada yahay danta guud ee shacabka. Waa in
la isku miisaamaa dhibaatada ka imankarta dagaalka iyo danta gaar
ahaaneed ee laga fursan waayey ee kaliftay in dagaal wax lagu xaliyo.
Aad bay u fududahay sida uu ku bilawdo dagaalka laakiin aad bay
u adkaanaysaa daqarada uu ka tago sida lagu hilmaamo. (Dib u eeg
Taariikhda Muqdisho)
-
Kooxo
cusub oo abuurma:
Sidaad lasocotaan Muqdisho waxay lahayd 1991 labo hogaamiyo oo ay kala
ahaayeen Cali Mahdi iyo Maxamed Faarax Caydiid. Markii ay diideen in
ay xaliyaan dhibaatada siyaasadeed ee dhaxtaalay oo ay ku qamaareen
shacabkii Muqdisho korkooda, maxaa abuurmay? In ay Muqdisho oo kaliya
yeelato dhawr hogaamiyo oo midba xaafad xukuma. (Dib u eeg Taariikhda
Muqdisho).
Dadka
qaarkii baa waxay yiraahdaan dagaalkaan waa qadiyad siyaasadeed ee qabiil
ma’aha. Anagoo og taariikhda siyaasadeed ee soomaalia soo martay kow iyo
tobankii sano ee la soo dhaafay ama wixii ka horeeyeyba. Waxaan u
sheegaynaa dadka waxaas aaminsan waxbadan baa idinku haray taariikhda
Soomaaliya’e dib u jaleecda. Waxaa xaqiiqo ah in qabyaalad ay isku
badalayso iyadoo xataa aan ahayn ajendaha labada kooxood. Qabiilkuna waa
sidii basashii oo kale, oo waxay isu siibaysaa ilaa heer ay gaarto digsiga
xeeradiisa. (Dib u eeg Taariikhda Muqdisho)
Talo
Wadaag:
·
Waxaan u soo jeedinayaa isimada Puntland in ay si degdeg ah isugu
yimaadaan oo ay xaliyaan tafaraaruqa la kala dhexdhigay, oo ay ku noqdaan
xeerkoodii dhaqan iskana ilaaliyaan jahawareerka siyaasadeed.
·
Shacabka Puntland waa in ay ka foojignaadaan dibandaabyada lala
doonayo ee loo adeegsanayo sidii lagu burburin lahaa jiritaankooda.
·
Waxaan kula talinayaa isimada iyo shacabka reer Puntland in ay la
shaqeeyaan gudiga nabadoonka ah ee isu xilqaamay ee ka dhiidhiyey in ay
dhibaato ka dhacdo Puntland waa “Puntland Peace Mission- PPM.”
·
Waa in si degdeg ah loo abaabulaa banaanbaxyo soconaya maalin walba
ilaa laxaliyo dhibaatada loo maleegayo shacabka.
DAGAAL
MAXALBAA? MAYA, MAYA, MAYA…
Ismaaciil
Dheel
|