Waa cusub ayaa ku
baryay xukuumadi lagu soo aloosay degmada Carta ee
dalka jabuuti laguna marin haaabiyay Somali weyn
iyo adduun weynaha oo dhan iyada oo dhismaheeda ay
ka soo shaqeeyeen beesha Abduqaasim kuwooda aan ka
xishoon xaaraan quudashada,dilka,dhaca iyo boobka
ummadda Soomaaliyeed iyo tageerayaashooda kala
dhaqana fal xumada iyo si xun u socodka,waxaana
howshan loo kaashtay madaxweynaha Dowladda jabuuti
Ismaaciil Cumar Geele iyada oo aqoolida dabinkan
loo soo maray jileeca shacbiweynaha Soomaaliyeed
oo ay ku dheeraatay dowlad la’aan,nabad la’aan iyo
xabad ay ku seexdaan kuna soo toosaan.
DKM
howsheedi u horeysay waxaay ka bilowday sidi ay
ugu baryi tagi lahayd adduun weynaha inta aanan
Soomaali iyo addunwenahaba kashifin ujeedooyinka
guracan ee kooxda hormoodka u ah DKM oo aan
marnaba ku dhaqaaqin howshi Soomaaliweyn ka
sugaysay oo ay ugu horaysay dowladda oo
saldhigeeda noqdo magaalada Baydhabo inta xal
looga helaayo nabad la’aanta ka taagan magaalada
Muqdisho.iyo dastruurki lagu heshiiyay oo lagu
dhaqo dalka iyo dadka Soomaaliyeed .
Ma rabo in
aan ku dheeraado faala ka bixinta dibindaabyadi ay
ku kaceen Cabduqaasim iyo kooxdiisa mudadi ay
jirtay DKM ilaa haddeer oo uu gabaabsi yahay
iftiinkeeda, gaaska faynuustana kaga dhamaaday
jidka xun afkiisa hore, waxaana dad badan oo
soomaaliyeed isweydiinayaan wararka ka soo
yeeerayo kooxdan oo u badan daliil hor leh in
aynan marnaba mudnayn ku aaminidi hogaanga
Soomaaliyeed mar danbe mustaqbalka dhow iyo mid
dheerba,wararkaas oo uu ka mid yahay midki ka soo
yeeray Maxamuud Afgooye oo wasiir ka ah DKM oo
sheeganayo si caddaana oo qaawan in ay beeshiisa
ka tirsan tahay dadka degan koofurta dalka isaga
oo sabab uga dhigayo in Cabduqaasim uu ku dhashay
Degmada Marka sidaa darteedna ay la macna tahay in
beesha Habargidir oo idil ay ku dhalatay koofurta
dalka taasoo naf ahaanteeda meel ka dhac ku ah
beeshaas oo leh deegaan balaaran oo loo yaqaan in
ay degan yhiin, waxaase taas ka daran Cabduqaasim
oo xaaraan quudashada oday ugu ah beeshiisa kuwa
ay isaga darsantay samaanta iyo xumaanta oo eed
dusha kaga tuuray G.G.Banaadir,Duqa magaalada
Mudisho iyo wasiirkiisi Arrimaha gudaha oo iyaga
sabab u ahaayeen soo bixidi dadweynihi faraha
badnaa ee DKM ku soo dhoweeyay Stadiya muqdishow
isaga oo ku eedaynayo in ay dowladda kala
baxsadeen lacag fara badan sidaa darteedna uu ku
beddalay rag kale oo isla beelahooda ka soo jeedo
isaga oo raggan cusub ka damacsan in ay fuliyaan
howshi ay ku fshilmeen raggan uu ku eedeeyay in ay
la baxsadeen lacag xukuunmada leedahay, haddaba
waa su’aale lacagtan uu sheegay in la dhacay yaa
idmay in ay ka baxdo khasnada DKM ama bangiga oo
uu madax ka yahay Dr culusow oo ay xigta yihiin
Cabduqaasim.jawaabta waa mid aad u sahlan oo waxaa
idmay Cabduqaasim isaga oo aan cidna kala tashan
waayo lacagta raggan lagu eedeeyay waxaa loo
baxshay dadweynihi ay isugu keeneen istaadiyo
muqdisho in xaqooda lagu duudsiiyo iyo in
Soomaaliweyn lagu marin habaabiyo ee marnana looma
bixin dan Soomaliyeed iyo in caasumada lagu
qurxiyo toona.
Somaliweyn
dhibka ku hab saday waxaa u aasaasa laba arrimood
waxaana looga bixi laba gala oo mid saddexaad
wehliso.
1)Waxaa u
asaasa damac xumo qabiil oo ku salaysan xukun doon
iyo dhul balaarsi.
2 )Waxaa
kale oo u asaasa shaqsiyeed u soo taagan marin
habaabinta ummadda si ay uga badbaadeen helitaanka
xukuumad sinaan iyo caddaalad ku dhisan oo sabab u
noqoto in maxkamad lagu soo taago dembiyadi ay
waddanka horay uga galeen.
1)Tan hore
waxaa looga bixi karaa odayaasha
dhaqanka,aqoonyahaanka iyowaxgaradka beelaha
Soomaaliyeed oo qola waliba dadkeeda ku
baraarujiso in ay gobalada ay ka soo jeedaan
maamul u samaystaan,kuwooda damaca xun ku jirana
ugu yeeraan in ay ku soo noqdaan gobalka dowrna ka
qaataan dhisida maamul loo dhiso gobalka ay ka soo
jeedaan iyo iyaga oo intaa keddib ka shaqeeyo sidi
loo heli lahaa gogol xalaala oo Soomaali isugu
timaado waddanka gudihiisa, faragelin shisheeyana
ka marantahay.
2)Tan
labaadna waxaa looga bixi karaa Soomaali weyn oo
talada ilaaheey ula noqoto iyo iyaga oo meel iska
dhigo u kala qaybsanaanta danaha guracan ee
shaqsiyaadka hortaagan in Soomaali hesho dowlad
quman ee xalaala.
Haddii ay
xal la,aanta umuuraha soomaalida ku sii jirto is
jiid jiid iyo Aniga ayaa iri , SRRC ayaa wadada
quman ku taagan iyo DKM ayaa ka saxsan ee ha la
taageero, talo faraha ayey ka bixi doontaa waxaana
ay ku biya shubanaysaa in isticmaar loo gacan
galo(isticmaar alla ha naga badbaadiyo, wadada
toosana alla ha na waafajiyo,Amen).
Waxaa
saddexeeyo xal u helida ummadda Soomaaliyeed in la
helo saraakiil horay uga tirsanaan jiray ciidanka
xooga dalka soomaaliyeed(kana madaxbanaan isku
dhici danaha damiirlaabayaashi waddankeena
fadhiisiyay gogoshan xun) oo isu xilqaamo in ay
dhisaan xaraka cusub oo ay ku mideysan yihiin
Soomaali weyn isla markaasna ku dhaqaaqdo xoraynta
dalka iyo in ay gacanta ku dhigaan awooda dalka u
sareyso si ay usoo celiyaan haybaddi ummadda
Soomaaliyeed ee lagu tuntay.
08/01/2002
Abdalla Moallim Mahamud
Moallem10@hotmail.com.