Waxaa Qoray
Adan Mohamad
Ibrahim
adanmohamad@hotmail.com
Ujeeddo: Baaq
ay soo saareen USC/SSA(Muddullood)-Sweden-
Galabtii axadda
16.12.2001 oo ahayd maalin ciid ah ayaa waxaa shir iskugu
yimid xubnaha ururka USC/SSA Muddullood ee deggan magaalada
Gothenburg iyo nawaaxigeeda.
Shirkaasi waxaa
looga hadlay :
- Shirka
ka socda Nairobi ee dalka Kenya
- Kooxda
CARTA oo gobol ay shaqo ku lahayn dad u magaacawday.
-Xubnaha ururka waxay ka munaaqashoodeen shirka ka furmay
dalka Kenya ay iskugu tagayaan kooxo Somaali ah oo aanan
jirin gobol iyo dad ay matalaan, hormoodna ay ka tahay
kooxda CARTA
Intaasi kadib waxaa fikrado la iska dhaafsaday oo la isla
gartay in Kooxda CARTA ay ku tahay caqabad hortaagan
is-maamul goboleed loo sameeyo gobolka Banadir iyaga oo
adeegsanaaya probogaanda iyo laaluush iyo kala qaybinta
dadyow walaala ah .
-Xubanaha ururka USC/SSA-Mudullood ee ku nool dalka Sweden
waxay ku waafaqeen go`aanka ay qaateen walaalahooda
Muddullood ee dalka jooga oo ah in aan laga qayb gelin
shirkaasi ka socda Nairobi inta Kooxda CARTA ay sheeganayso
dawladnimo aan jirin, iyo inta ay weli hortaagan tahay
Is-maamul goboleed madax bannaan in laga sameeyo gobollada
dalka.
Waxaa kale oo loogu baaqayaa Kooxda CARTA in ay joojiso fara
gelinta arimaha gobolka Banaadir. Haddii qof mas`ul ah xil
loo dhiibaayo ama laga qaadayo waxaa hawshaasi iska leh
dadyowga u dhashay gobolka Banaadir, iyaga ayaa xulanaaya
cidda xilka gobolka u qabanaysa.
Ugu dambayn, xubnaha ururka USC/SSA- Muddulloodka
Skandinavia ma diidana in ay Somaali heshiiso, waxaana xalka
keliyah ee Somaliya ku heshiin kartaa uu yahay Is-maamul
goboleed madax bannaan.
Somaali ha
midowdo, hana guulaysato.
Xiriiriyaha USC/SSA-Muddullood
(Skandinavia)
Adan Mohamed
Ibraahim " Oor "
Tel. 004631-154314 Gothenburg-Sweden
|