Ujeeddo: Baaq ay soo saareen Jaaliyadda Muddullood Sweden
Shirkii todobaadlaha ahaa ay iskugu yimaaddeen Jaaliyadda
Muddullood ee magaalada
Gothenburg(Sweden) maalintii sabtida 29.12..2001 ayaa waxaa
looga hadlay xurgufta dhexmartay dadka walaalaha
aha ee ku nool degmada Madina.
Intii shirka socoday ayaa waxaa telefoon lagula xiriiray
Dubai, Muqdishu, Kanada iyo Nairobi.
Xubnaha Jaaliyadda ka qayb galay telefonkonferensaha waxay
ahaayeen 1.Sh Ismacil Aw-Cali 2. Sh.Cabdiraxmaan
Sh.Muxyidiin 3 Sh.Cabdullaahi Cali Maxamad
4.Cabdulkadir Xaaji 5.Ibrahim Maxamad 6. Adan M.
Ibrahim iyo xubno kale oo fara badan oo magacooda
halkaan lagu soo koobi karin.
Dubai waxaa lagala xiriiray Abdullahi Maxamad Nur ( Shuuci )
oo ka mid ah waxgaradka beesha Muddulood ee deggan
Dubai wuxuuna noo Sheegay in la xalliyay
khilaafkii soo dhex galay dadka walaalaha ah.
Kadibna Sh.Yusef Macaw oo deggan Mediina ayaa warbixin
dheeraad ah naga siiyay sida loogu guulaystay in
la xalliyo xurguftaasi.
- Dhammaan Jaaliyadda waxay tacsi u diraayaan eheladii dadkii
ku geeriyooday ama waxyeello ka soo gaartay
dagaalkaasi.
- Waxaa ammaan iyo bogaadin loo soo jeediyay dhammaan
odayaasha iyo waxgaradka beesha Muddullood oo ku
guulaystay in ay joojiyaan dagaalka dhex maray dad
walaala ahaa oo isku degaan ah.
- Waxaan ugu baaqaynaa dhammaan Muddullodka wadanka gudihiisa
jooga in ay khilaafaadkooda ay ku dhameeyaan
wada hadal iyo walaaltinimo iyada oo aan cidna
soo dhexgelin, gaar ahaan degmada Madina waxaad
tihiin asaaska iyo hoyada u halgamayaasha soo
dhecinta xuquuqda Muddullood.
- Ugu dambayn waxay Jaaliyaddu ammaan iyo salaan u soo
diraysaa Mudane Al-xaaji Muuse Suudi Yalaxow sida
xilksnimada iyo dulqaadka lahayd uu u xalliyay
khailaafka soo dhex galay dadka walaalaha ah.
Xiriiriyaha Jaaliyadda Muddullood ee Skandinavia
Adan Mohamed Ibrahim (
Oor )
Telefax 004631-154314
Xafiiska Jaaliyadda Gothenburg
|
