Abaaji: Maarso 29, 2002
Warar aanu aanu ka helnay ilo xog-ogaal ah ayaa sheegaya in la qorshaynayo
in dacwo lagu soo oogo Wargeyska Ayaamaha kadib markii uu soo saaray
Maqaal hore uu u qoray Dr. Cabdi Maxamed Culusow, iyadoo ujeeddadu tahay
in wax loogu dhimo sharafta Dr.Culusow. Waxaa la sheegayaa in Maamulka
Wargeyska Ayaamaha u isticmaalay siyaasad soo saaridda Maqaal waqtigan oo
Dr.Culusow loo magacaabay af-ahyeenka Al-Xaaji Muuse Suudi Yalaxow.
Waxaa la sheegayaa inay dhammaatay la tashiyadii lala lahaa (lawyers),
isla markaasna laysku duway qodobbada ku saabsan qawaaniinta saxaafadda ee
ay jebiyeen, loona diyaargaroobayo dagaal xagga sharciga ah oo lagu wajaho
Ayaamaha. Haddii ay taasi dhacdana waxay noqon doontaa dharbaaxadii ku
dhacda mid ka mid saxaafadda Soomaalida oo aanay jirin meel laga xakameeyo.
Sida la caddeeyey AYAAMUHU waxay u adeegsadeen hawshooda suxufinimo mid
loogu adeegay dawladda Carta, sidaas waxaa yiri mid ka mid ah
taageerayaasha Dr. Culusow kadib markii ay la tashi la soo yeesheen
sharci-yaqaannadooda.
Maamulka Abaaji
|