Waxaa Qoray
Abdulrazak Osman dirie
bakool55@hotmail.com
Gobolka
Bari iyo Sanaag waa goobaha ugu taariikhda weyn dalka
Somaliya, waxeyna lahaayeen magaalooyin
boqolaal sano jira oo ay ka mid ahaayeen Qaw iyo kuwo kaleba.
Qaarkoodna waxaa weeraray nin uu dhalay dhul-mareenkii Burtoqiiska ee Faasko
Dagaama.
Sababta uu u weerarayna waxay aheyd iyadoo
Hartgu uu ka mid ahaa ciidamadii u hiiliyey Axmed Gureey sida ku
qoran buug la yiraahdo 'Futuux Al-xabash'oo af carabi lagu qoray
wakhtigaas.
Futuux Al-Xabash wuxuu kaloo sheegayaa in
Hartigu uu ciidan xooggan Axmed Gureey uga soo diray Xiis iyo Meedh oo
hadda ka tirsan gobolka Sanaag.
Magaalada Bosasana waxay ka duwan tahay
magaalooyinka kale ee PL maxaa yeealay waa meel qabaaílka PL
badankiis uu degan yahay mana aha sida Garoowe, Laascanood, Baran iyo
Gaalkacyo.
Goortii Issimada tirada yareyd iyo kooxdii
Carte soo dirsaday ay diideen goáankii Issimada tirada badan ayaa
waxaa baaq soo saaray 12 Issim oo reer Bari ah oo soo jeediyey in
deg deg maamulkii jiray loo soo celiyo.
Marka maanta kubaddu waxay taallaa dhanka
Issimada reer Bari iyo wax-garadkooda sidii ay u soo dedejin
lahaayeen dib u soo celinta Maamulka oo ay ka hartay oo keli ah Bosaso
iyagoo eegaya arrimaha aan halkaan ka soo sheegi doono :-
1- Iyadoo talladoodii uu ciidnaka PL uu fuliyey.
2- Iyadoo Cadawga oo doonayey in dagaal qabiil uu
dhex maro dadka walaalaha ah ee PL oo aan dhicin.
3- Iyagoo xasuusan hantii shaqaalaha oo la dhacay
iyo magac-xumadii naga soo gaartay intuu burburku
jiray.
4- Iyagoo muujinaaya in qadiyadda Kismayo aan la
iibsan karin.
5- Iyagoo cadeynaya in PL la beecinn karin, A/qasimka
guryaha iyo degaanda Somaliyeed xoogga ku
heystana la hoos keeni karin.
6- Iyagoo ogsoon cabsida soo wajahday kuwa
xaqdarida ka wada
Kismayo iyo meelo kaleba , doonayana in loo hiiliyo kuwa
dhulkooda xoreeynaya.
7- Iyadoo xaalka Bosaso ay ku sugan tahay ay u
sahleyso in si dhib yar maamulka loogu soo
celin karo mar haddii iyadiiba leysku heysto.
Ugu dambeyntii, iyagoo muujinaaya dareenkooda
dhalashada, dhaqanka iyo cadaaladaba in aan la beecin karin iyo
iyagoo ku xurmeenaya Allaha u naxariistee Ugaas Yaasin oo Carte
intuu noolaaba diiday.
Waxaana hubaa in 12ka Issim ee reer Bari ay
Baaqoodii si dhaqso ah uga fulin doonaan hoygooda mar haddi kuwii
kale talladood ay raaceen!
Waxaa
qoray :- A.O.Dirie
|