Qaybtii
Koowaad:
Aduunyadaan
aan ku noolnahay ayaa soo martay heerar kala duwan oo maalin walba iyo
habeen walba waxay la imaanayeen shani gooda, haddii ay ahaan lahayd shar
iyo khayrba, bal aan yare fiirino waqtiga aan hada joogno halka uu aduunku
marayo, marka aan indhaheena si toos ah ugu eegno ayaan waxaan arkeynaa oo
uu qof walbana ka dheregsan yahay in uu jiro ismaandhaaf iyo isqab qabsi
siyaasadeed ama diimeed kaasoo inta badan huwan ujeedooyin aad iyo aad u
kala duwan oo waxa keliya ee ka dhexeeya ay tahay sida loo wajahayo arinta
amaba wax looga qabanayo taasoo badanaaba laysku raaco in lagu xaliyo
dagaal waxa laga faa’iidaana noqoto dhimasho, dhaawac,dhac,qax. iwm.
Masiibooyinkaan
ayaa waxay ka dhacaan dunida oo dhan hase yeeshee meesha aan anigu is
leeyahay haddii bilad sharaf lagu bixinayo dilka iyo ku xadgudubka
aadanaha wey qaadi lahayd waa qaarada aan aniga kasoo jeedo ee afrika waa
qaarad aad looga jecel yahay qoriga noocyadiisa kala duwan iyo wax walba
oo dagaal sahla ama fududeeya sidii naf loogooyn lahaa.
Waa
qaarad dakeedu
aayan karaahsanindhimashada micno la’aanta ah.
Waa
qaarad
ku faraxsan gaajada, dagaalada, qaxa iyo duliga ay iyagu gacmahooda ku
abuurteen.
Waa
qaarad
wax labur buriyo ee aan wax la dhisin.
Waa
qaarad
siday xumaanta u garanayso
aan u garanayn wanaaga.
Waa
qaarad
mutacalimkeeda iyo jaahilkeeda aadan kala garan karin.
Waa
qaarad
eexda , laaluushka iyo beenta dadkeeda rabaan in ay weligood ku noolaadaan.
Waa
qaarad
shacabkeeda iyo madaxdeeda ay ku qanacsan yihiin baryada iyo gacan
hoorsiga Rabaana
in ay horumar ku gaaraan.
Waa
qaarad
dadkeedu ku mashquul san yihiin badankiis siday ku heli lahaayeen xoolo
xaaraana.
Qaaradani
waxay naaxisaa oo ay hoy u tahay, ma naxariistaha, ma xishoodaha, ma
dhergaha Iwm.
Qaaradu
waxay sharaysataa wanaaga iyo wax walboo kheyr ah qofkii soo jeediyana
waxay ku Ceebaysaa
doqon,fuley, karti laawe. Iwm.
Qaaradani
waxay ku faantaa beenta, qabyaalada, eexda, dhaca, dilka, khayaamada,
laaluushka.
Kufsiga
iyo sharci darada guud.iwm.
Qaarada
waxay ku xajiimootaa runta, shaqada, daacada iyo nabada.
Xaqiiqo
ahaan qaaradu waa qaarad barwaaqo ah waxaana lagu naa naysaa afrika
qaaradii cagaarneyd, in loo bixiyo magacaana waxaa ugu wacan webiyada
faraha badan iyo dhulbeereedka aadka iyo aadka u baaxada weyn oo ay
leedahay, taasoo u sahlaysa qaarada haddii alle tuso in ay si habsami ah
dadkeedu ugu faa’ideystaan dhanka wax soo saarka beeraha si ciriiriga
iyo culeyska gaajadu saartay qaarada u caraabo intaa kuma eka nimcooyinka
qaarada hase yeeshee waxaa kaloo ay leedahay afrika ugaarta, xoolaha
ladhaqdo ama laquuto oo jaadad kala duwan leh iyo weliba shidaal la soo
saaray iyo mid dihan, dahabka iyo dheemanka iyo dhagxaanta qaaliga ayaa ka
buuxa qaarada, kaluunka oo boqolaal cayn ah ayay qaaradu ku tahay hodan.
Hadaba
qayraadkaan aan soo sheegnay iyo kuwo kaloo ka sii badan iyadoo leh
qaaradu hadana dadkeedu waa dadka ugu saboolsan dunida.
Haddii
ayan is lahayn barwaaqada afrika taal iyo dadkeeda oo gaajo u baqtinaya,
waxaa inoo soo baxaysa in ay tahay arimihii aan kor ku soo sheegnay oo ay
wehliyaan iyadoo lagu boqro kuwa iimaanka la’ laakiin waxay su’aashu
tahay intee in la’eg ayay soconayaan arimahaan ma saacadaa ma maalmaa,
ma bilaa mise sanado. Jawaabta oo waafiya hada lama bixin karo laakiinse
waxaan u deyneynaa waqtiga.
Ugu
danbeyntii waxaan oran lahaa afrikaay asaagaa ka hartaye aadanaha sidiisii
u dhaqan.
W:Q:
Abdulqadir Jama Baruur
Baruur@hotmail.com.
|