Ku:
Isimada Puntland,
Ku: col. C/llaahi Yuusuf,
Ku: Siciid Maxamed Garaase & Jaamac Cali
Jaamac,
Ku: Wax-garadka Puntland,
Ku: Culumaa’udiinta Puntland
Ku: Haweenka & Dhalinyarada Puntland.
AYNU
KALA DOORANO GOBANIMO AMA GUNNIMO
Bosaso, Somalia
Waa
bayaan ay soosaareen beelaha: Cali Saleebaan, Cali
Jibraahiil, Nuux Jibraahiil, Ugaar Saleebaan,
Muuse Noolays, Wabeeneeye, Siwaaqroon, Ismaaciil
Saleebeen, Cabdiraxiim .
Dhamaan
shacabka Puntland saan filaynu waxaa lasoo
gudboonaatay ceeb iyo sumcad xumo aanan weligeed
lagu riyoon, waxaan maraynaa xilli ay dadku
maqaayadaha kaga sheekaystaan waxyaabaha foosha
xun ee maanta ka taagan dhulkii la’oran jiray
Puntland, raalli ka noqda haddaan sidaa niraahno,
maadaama aanu jecelnahay wanaagga laakiin maanta
aysan jirin wax matala maamul ah oo Puntland ay
leedahay.
Maaha wax lala
yaabo in C/llaahi Yuusuf isku dhejiyo xukun, waayo
taariikhdiisa ayaa ka marag kacaysa, waxaase wax
lala yaaba ah in nin magac Isim sheeganaya iyo rag
siyaasiyiin ah, watana dano gaar ah iyagoo raba in
magaca Puntland ay lahoos fariistaan Ina Salaad
Booy, ay dagaal ka abaabulaan magaalada Boosaaso.
Waxaa marag
madoonta ah in shacabka gobolka Bari ay wadeen
shirar ay xataa ugu direen martiqaadyo
mutacalimiintooda jooga dalka dibaddiisa sidii
dhinacyada isku haya maamulka Puntland loo kala
dhex geli lahaa; laakiin dagaalkii dorraad ka
dhacay magaalada Garoowe ee ay qaadeen ciidamo ay
kala hoggaaminayeen marxuum Faarax Dheere iyo
Suldaan Garaase ayaa wuxuu nagu noqday dhabar jab
aanan marna filanayn.
Canbaarayn:
1)
Waxaan canbaaraynaynaa
dhamaan dadkii ka qaybqaatay dagaalkii ka dhacay
Garoowe;
2)
Waxaan canbaaraynaynaa
dhamaan dadka doonaya inay iska horkeenaan
walaalaha PL;
3)
Waxaan canbaaraynaynaa
dadka u dagaalamaya sidii ay ugu shaqaysan
lahaayeen magaca iyo sharafta Puntland;
4)
Waxaan canbaaraynaa col.
C/llaahi Yuusuf, maadama uusan wax tixgelin ah
siin Isimada sharafta iyo haybadda mudan ee
dhawrka jeer ugu yimid sidii ay taladooda uga
dhaadhicin lahaayeen;
5)
Waxaan canbaaraynaynaa
Siciid Maxamed Garaase & Jaamac Cali Jaamac,
maadaama ujeedada ay lee yihiin aysan ahayn in
Puntland maamul hagaagsan loo sameeyo, balse ay
tahay inay Xamar la tagaan magaca Puntland;
6)
Waxaan canbaaraynaynaa Xasan
Abshir, C/llaahi Boqor Muuse iyo ragga kale ee
martida u ah Ina Salaad Booy, doonayana inay
gubaan shacabkooda, iyagoo raali ka ah inuu Ina
Salaad Booy haysto Kismaayo, waxaan raggaas oran
lahayn: waxaad
dhaawacdeen sharaftii shacabka Puntland,
Waxaan
saluugsan nahay doorka ay gabeen aqoon
yahanadeenii iyo Isimadeenii nabadda iyo wanaagga
ka talin jiray, iyadoo aan maanta arkayno qaar
kamida aqoon yahanadii dalku ku tashanayey oo
abaabulaya dagaal iyo Isimo sheegaya inay dagaal
abaabulayaan taasoo ah Adduunyo Gaddoon marba
haddii Isin isurogo Dagaal ooge.
ARAGTIDA BEELAHA GOBOLKA BARI
Inta badan
beelaha wada dega gobolka Bari wax lug ah kuma
laha dagaalka ka socda PL, ama la damacsan yahay
in laga huriyo gobolka, sidoo kale C/llaahi Yuusuf
iyo Jaamac Cali Jaamac midkood lama safna.
Beelaha gobolka
Bari waxay canbaaraynayaan magacaabiddii Jaamac
Cali uu xilal kala duwan u magacaabay ILMA
ADEERTIIS; waxay kaloo ugu baaqayaan labada nin ee
xilka isku haysta inay labaduba katanaasulaan
sheegashada ay sheeganayaan madaxtinimada, lana
qabto ugu horrayntii shir ay isugu yimaadaan
dhamaan Isimada Puntland, si loo lafaguro bal
meesha wax ka qaldan yihiin, isla markaana go’aan
midaysan laga qaato maamulka Ina Salaad Booy;
maadaama shacabku isku tuhmayo in qaar ay daba
dhilif u yihiin ina Salaad; marka go’aan cad laga
qaatana loo gudbo doorashada madaxweyne, iyadoo
shardi looga dhigayo in qofkii madaxweyne u noqda
Puntland hadduu magaca PL la tago Xamar xilka laga
qaadi karayo.
Arrimahaas oo
dhan waxay meesha ka saarayaan in maamulka uu
nooqabto nin PL gacanta u geliya Ina Salaad Booy.
Sidoo kale
waxaan ugu baaqaynaa dadka aanan u dhalan
mandaqadda inay faraha kala baxaan arrimaha gudaha
ee Puntland.
Jaamac
Maxamed Samatar
xaajijaamac@hotmail.com