Sida dad badan ay lasocdaan gobaladda ku bohoobay
maamul goboleedka puntland waxaa ka dhacay arimo aan taariikhda soo
marin kuwaas oo ay ugu wacneeyd khilaaf ka dhex dhacay isimada dhaqanka
ee ka jira goboladdaas.
Waxaa xaqiiq ah dhisma walba oo ladoonayo in lagu
intifaaco in ay lagama maar maan tahay in aas aaska loo adkeeyo si ayan
si fudud ugu dumin.
horumarka aadanaha uu gaaro waxaa saldhig u ah
caddaalada dhexdooda ay hagaajiyaan, taasi waxaan u jeedaa haddii
qoomiyad ama umad ay caddaalada ku dhaqmaan oo aysan samayn eex iyo
gardaro isku taageerid waa ay ku guuleysanayaan habsami u socodka
noloshooda aas aasiga ah, waloow umadaas ayba ahaadaanee kuwo gaalo ah.
Gobolada puntland oo ay kajirtay nabad Laba iyo
Tobankii sano ee burburka, marka loo eego in badan oo ka mid ah gobolada
soomaaliya,hase ahaatee dadka meeshaasi kuwada dhaqan ma aysan ka sineen
xuquuqda walowba ay yihiin dad wada dhashay, waxaa jiray dad badan oo ay
adkeyd in ay xoriyad u fushadaan afkaartooda siyaasadeed ama
aaminaadooda diineed.hogaanka siyaasadeed iyo dhaqan waxaa moodaa in ay
arintaasi waafaq ka ahaayeen oo ay isku raacsanaayeen intooda badan.
Ruux walba oo mas,uul ah waxaa looga baahanyahay
in uu ilaalsho xuquuqda ay ku leeyihiin dadka uu masuulka uu u
yahay,hogaanka dhaqan ee reer puntland oo ahaa mid ay hogaamin jireen
isimo isku aragti ah wax walbana ku xalin jiray is aaminid iyo is
afgarad ayaa imika waxaa ku adkaatay in ay is fahmaan taasi oo ay
dhalisay Isimada oo si weeyn ay u saamaysay siyaasada aan lahayn asal
iyo farac laga duulo ee ka jirta geeska afrika,taas oo ay hogaanshaan
Ashkhaas kali socod ah.
Arinta murugsan ee maanta ka taagan puntland waxaa
sabab u ah khilaafka isimada kala taageersan hogaamiyaasha kali socod
siyaasadeed ee reer puntland, arinta kaliya ee xalka u noqon karta waxaa
weeye iyada oo ay marka hore is afgartaan isimada dhaqanka. kadibna ay
go, aan ka gaaraan aayaha danbe ee puntland iyo cida mudan in ay
hogaamiso.
Shirka kasta oo layskugu yimaado go,aamada ka soo
baxaa waxaa ay sii kordhinayaan xiisada ka jirta puntland,haddii marka
hore ayan Isimada isla meeldhigin xalka, iyagana ka heshiiyaan
khilaafkii dhexdooda ahaa. Kadibna si alla ka dhowsasho leh ay u galaan
garta siyaasadeed, waa lagu heshiin
Haddii garta ka jirta puntland
si xaq ah loo galo waa lagu guulaysanayaa.
In cadaalad lasameeyaa insaanka ayay dan u tahay,
Nin meeshii uu dunshay in uu
dhisaa loo ma diro.
shacabka dantooda in laga
hormarshaa tan shaqsiyadeed.
Marwalba oo xalka laga doonaa
meel uusan Alle raali ka ahayn waa lagu halaagmi.
Dadka soomaaliyeed in ay Alle ka
dhowrsadaan ayaa u haboon oo ayan taageerin nin cadaalad xumi iyo
danbiiile ah.
Abdulmalik Qarkasooduul
Macaane75@hotmail.com
Danmark
|