Waxaan wada ogsoonahay in dawladda iyo
Issimada Puntland ay diideen shirkii Carta. Taas laakiin macnaheedu ma
aheyn in Issimada oo dhan ayan ka qayb gelin shirkaas ee waxaa jiray kuwo
oo ka mid ahaa Garaad A/qani, labo nin uu Siyaad u magacaabay Issimnimo
iyo kuwo abuurmay dagaalka sokeey ka dib oo shirkaas si rasmi ah u joogay
una taageeray.
Waxaa kaloo ka qayb galay shirkaas
siyaasiyiin horay loogaga adkaaday siyaasadda Pl ahna hadda qaxooti sida
Mr. M. Abshir, Mr. King Kong iyo hoos-joogahoodii (Mr. Jamac Cali) ee
xilligii jaha-wareerka ee uu Gen. Abshir ahaa gudoomiyaha SSDFta ee Mr.
Cali Mahdi uu sheegan jiray in ay hoos tagto ururkii SSA ee isagu u
madaxda ka ahaa. Shirkii Jabuuti ka dib, reer Carte waxay magaca qaranka
Somaliyeed ku heleen lacag fara badan oo loo adeegsaday in lagu burburiyo
Pl iyadoo la adeegsaday Issimadii shirka tagey,kuwa kaloo Doolar lagu soo
jiitay iyo iyagoo soo dirsaday Mr. Cali jaamac oo qaxootinimo ku degan
wadanka Ingiriiska.
Markii laga soo noqday shirkii Jabuuti
ayaa dadku waxay la yaabeen iyadoo ay dhacday in nin Siyaad u sameeyey
dhibka reer Pl in uu difaaco qabsashadii Kismayo ee A/qasim isaga oo si
xishood laáan ah u yiri iima cadda in DKMG ah ay tallaabadaas ku kacday.
Maalmo ka dibna mar reer Bosaso ay
mudaaharaadeena hadana yiri haday noo cadaatay ee hadda ayaan dadka u
sheegi doonaa! Markii burburinta PL la bilaabay ayaa 12 ka mid ah Issimada
Bari waxay soo saareen Baaq oo ay ku leeyihiin waa in si deg deg ah ah
maamulkii jiray loo soo celiyaa iyagoo ogsoon in Issimo gaaraya 49 ay soo
jeedisay in dawladda PL xilligeedii loo kordhiyo,iyadoo gudoonkaasna uu ku
duceeyey Isimka ugu mudnaanta badan ahna Boqorka Daarood - Boqor Mohamud
Boqor Muuse iyo waliba iyagoo ka carooday kuwo lagu sheegay 19 Issim oo
dhabtiina ay ku jireen kuwo been abuur ah oo awood sheegasho dhalanteed ah
u magacaabay Mudane Yusuf Xaji in uu yahay Madaxweynaha KMG ah ee PL
isagoo intaas ka hor shaqada laga ceriyey.
Marka dadka magacyada kala duwan
wata runtii dan kama laha dhibka ku yimid dadkii .
Maantana dhibka aan badneyn ee dhacayna
waa mid aan iyagu khuseyn mar haddii ay dhaceen hantidii dhex-yaalka u
aheyd walaalaha ku bahoobay Puntland, horayna jeebka u gashteen khidmaddii
loo siisay burburinta dhulkooda iyo in qabiil qabiil loo dagaalamo oo
aheyd sidii ay Carte rabtay.
Waxaase nasiib wanaag ah in badi
dadweynaha PL ay ku gacan seereen kuwa u adeegga kuwa xaq-darada wada,
xooggana ku heysta deegaano ayan laheyn sida Kismayo.Taasna waxaad ka
ogaaneeysaa iyadoo waxba dhicin in Bosaso ay isu diyaarisay mar hore sidii
ay u soo dhoweyn laheyd Madaxweynihii lagu khaldamay oo waliba xilligaan
oo ah Xagaaga ay reer Bosaso ay madaxtooyada ay biyo ku rusheeyeen sida ay
qortay Somalitalk oo dhanka Carte lagu yaqiin. Si kastaba ha noqotee mar
haddii ay dhaboowday Baaqii Isimada Bari, waxaa hubaal ah in dadka
badankiisu uu u riyaaqi doono dib u soo celinta maamulkoodii iyagoo ogsoon
dhibkii ay geysteen mooryaanta cusub ee PL looguna magac daray 'Maryo
calas'iyo sidoo kale 3dii sano ee baraaraha, nabadda, horumarka iyo "Waa
Jiifnaa Waa Jageynaa"...................
Ugu dambeyntii, marka kale PL waxay
muujisay in ay wali tahay hormoodka garashada iyo nabadda. Haddana
arrintaan ay keeni doonto in dhaqso Pl ay u biloowdo tageeradii ay siin
jirtay dadka dulman ee degaankoodu ay heystaan gumeysiga diirka madow sida
Kismayo iyo kuwo kaleba.
Sidoo kalena waxay Puntland beenisay nin
ka mid ah qabqablayaasha Xamar oo ugu xishoodka iyo tabarta daran oo la
yiraahdo Qanyare oo si aan ka fiirsasho laheyn ku yiri in Pl ay mareyso
halkii USC ee 1992 oo aad ka garaneyso in ay Pl barasho ugu laaban tahay!
A.O.Dirie
N.B Fiiri maqaal hore ee Bishii Dec. oo
aan u bixiyey "Baaqii Isiimada Bari iyo Bosaso!
Aragti: BAAQII
ISSIMADA BARI IYO BOSASO... |
WQ. Abdulrazak
Osman Dirie | Posted
to the Web 18:07 GMT
Dec. 09, 2001