Isku dayga ay isku dayayaan Gudiga
dib u Heshiisiinta Puntland ee Nayrobi lagu soo dhisay in ay kooxaha
Puntland isku haya hashiisiiyaan waa isku day wanaagsan oo maskax
caafimaad qabta ka soo baxday, Qofkasta oo niyad wanaagsana soo dhawaynayo.
waxaadse
moodaa in aanay Gudiga dib u Heeshiisinta reer Puntland iyo reer Puntland
oo dhani garan meesha saantu ka quruntay iyo meesha laga abaabulay
Burburka Puntland
waxaanan
aaminsanahay in haddii meesha uu Qasku ka soo burqayo marka hore la jeebin
oo aan gaar ahaan warbaahinta loo isticmaalayo Qaska Puntland la joojin in
xalin iyo dhayid Dhibka Puntland ka taagan aanay suurto gal ahayn oo ay
arintu tahay Biyo la qasayo ma miirmaan.
Wuxuu
Qofkasta og yahay awooda warbaahineed ee ay BBCda laanta Soomaaligu ku
dhex leedahay Bulshado weynta Soomaaliyeed iyo sida indhalo laŽaanta ah
ay Soomaalidu BBC laanta soomaaliga u aamisnan yihiin, waxaa kale oo uu
Qofkastaa ogyahay in ay BBCda laanta soomaaliga noqotay warbaahin u
adeegta kooxda Carte, kana shaqaynaysay sidii Puntland looga yegleeli
lahaa maamul Carte raacsan iyo sidii ay Puntland dagaal sokeeye uga dhex
ridi lahaayd:
Waxay
BBCdu hadda ka hor weerar ku qaaday Maamulkii Puntland ka jirey, waxayna
ku guulaysatay in ay burburiso waxaa kale oo ay hadda diyaar u tahay in ay
Gudiga hadda howlihiisu socdaan ee raadinay nabadaynta Puntland in ay
fashiliso haddii aanay danta Carte meeshaa ka arag.
Sidaa
darteed waxaa wanaagsan talo biyo kama dhibcaana aan u arkaa in ay Gudiga
dib u heshiisinta puntland iyo ninkasta oo raadinaya xalka Puntland in uu
marka hore abaaro meesha qaska puntland laga soo unkayo.ee ah BBCda laanta
soomaaliga.
waxaana
wanaagsan inta uu Gudigu arimaha dib u heshiisita ee Puntland gudo galin,
in ay Dhibka BBCda Laanta Soomaaliga ay ka wado Puntland iyo sida ay
arimahooda dib u heshiisiinta ah Caqobo ugu noqonkaraan Adduunka iyo
waliba wadamada dib u heshiisiinta maalgalinay u soo bandhigaan, kalana
tashadaan sidii looga hortagi lahaa in ay Qorshahooda BBCdu fashiliso,
kaas oo keenaysa in uu gudigu u gacan banaanaado xalinta khilaafada,
joojinaysana gacan toglaynta qaska wadata ee BBCdu laanta soomaaliga wado.
Waxaana
hadaba ay BBCdu bilowday in ay dhinac dhinacyada Puntland isku haysa
iidheh u samayso si ay u kala dhantaalanto xal u helida dhibka ay iyagu (BBC-da
Soomaaligu) Puntland ka dhex aloostay.
Mahadsanidin
Maxamud
Sheikh Dahir