Waxaa Qoray
Maxamud Sheekh Xasan Dahir
mdahir@t-online.de
Odayaashii wax maarayn lahaana
ku Qaraabashad Magaca Dadkooda ka badin la yihiin, Odaykasta
oo reer Puntland ah oo hadla ama Baaq soo dirana markaad
Dhagaysatid ama akhrisid hadalkiisa Su´aasha kaliya ee aad
iswaydiinaysid waa „war kanna imisay siiyeen oo ka
hadlinays“, inkasta oo Xiligu sidaa u xun yahay Lakiinse
haddii la rabo in wax labadbaadiyo 1% ee haray way ku
filantahay in wax lagu badbaadiyo, Gobolada Soomaaliyeed ee
kale oo dhan wax Fursada Puntland ee 1% haysta ma jiro,
maxaa yeelay waa Meeshe kaliye ee Al-Itixaad lagulana
dagaalamay lagana nadiifiyey.
Su´aasha marka la iswaydiin
karo waxay tahay hadayba sidaas tahay xagee bay marka Saantu
ka qudhuntay, oo Puntland in Argagixiso joogaan loogu malayn karaa?
Su´aashaa si aan uga jawaabno
waxaynu u baahanahay in aan is waydiinu maxaa Puntland ka
dhacay Dhawaan iyo maxaa ku soo kordhay?
Ninkastaa wuu ogyahay in
qalalaase Siyaasadeed oo xoog leh ka dhex aloosmay kooxo
kala ujeedo ah oo Jamac Cali Jama hurmuud uyahay iyo Maamulkii
Puntland, waxaa kale uu Ninkastaa ogyahay in Imaatinkii
Jamac Cali Jamac iyo
Al-Itaxaad baa Puntland jooga isku fil yihiin.
Waxaynu ognahay sidii ay Dowlad
Itoobiya marrar badan Isimadii Puntland ee Shirka Garoowe
watay u martiqaaday, si ay uga digto Lugta ay Al-Itixaad
Shirka ku leeyihiin iyo Xiriirka Jama Cali Jamac uu
Al-Itixaad iyo Carte la leeyahay iyo siday isugu xirraayeen
Magacaabidii Xassan Abshir loo magacaabay Ra´iisulwasaare
iyo tii Jamac Cali Jamac ee loo magacaabay madaxwaynaha
Puntland taas oo aad ka dhadhansanaysid qiimaha wayn ee uu
Jamac Cali jamac ugu fadhiyo Kooxda Carte ee Xamar.iyo C/Qaasim,
iyo Ujeedada wayn ee ay ka leeyihiin.
Markaynu Arinta sidaa u fidinay
waxaynu heleynaa Meesha ay Saantu ka quruntay, waxaynuna
ogaaraynaa in arinta Al-Itixaad iyo dhaqdhaqaaqooduba in
uuna dhaafsanayn Jama Cali Jamac, Waxaana inoo soo baxay in
Duqaynta puntland la rabo in la duqeeyo Jaamac Jilbaha ku
wato.
Waxaa Arinta sii xumayn Jamac
wax Xirriir ah Aduunka lama leh si uu uga dhaadhiciyo in
aanay Puntland waxa argagixiso ah joogin iyo in uuna isaga
laf ahaantiisu Kooxahaa shaqo ku lahayn.
waxa kaliye ee Jamac Xirriir la
leeyahay waa kooxda carte oo ay noqdeen isaga iyo iyaguba
Labadii Nin ee Libaaxu wada carsaday ee midna Geedka fuulay
midina Geedka hoostiisa jirif taalay isku daday, oo markaas
Libaaxii Ninkii Korsarnaa arkay, Ninkii kor saarnaa markuu u
dulqaadan waayey indha Libaax buu Ninkii hoose farta ku
fiiqay sidaas baa libaaxii Ninkii hoose ku cunay.
Arintu hadda Camac iyo Carte far
isku fiiq bay maraysaa siduu Xassan Abshir BBC-da ka sheegay
„annagu meelaha aan masuulka ka nahay Argagixiso majoogto
meelaha kale masul kama ihi“
Sidaa darteed wax Carte Xageeda
aad ka sugtaan ma jirto.oo iyagaaba Hoyga Argagixisada in ay
yihiin loo haystaa..
Dhalin yaradii
joornaalistayaasha ahaayeen ee Bosaso yimaadeen waxay idiin
qaban karaan majiro, oo waxba aduunku kama maqlayo.
Marka aarintu way cadahay Reer
Puntlandiyoo jamac ma aha Nin waqtigaan wax samato bixin
kara, Salaad kastana waqtigeedaa la tukadaa ee Caruurtiina
iyo Hantidiina iyo wixii nolashiina idiin haray badbaadiya
oo go´an waqtiga la socda.si dagdag ah u gaara.
Waxaan u malaynayaa in aydaan
Waqti badan haysan.
Mahadsanidin
Maxamud sh xasan dahir
|