| Contact/Nagala soo Xiriir | Dastuurka Puntland | Gumaad Fool Xun Oo Ka Dhacay Kismaayo|

Special News Somalia Latest News From News Agencies»»Click Here |

The opinions contained in this article are solely those of the writer, and in no way, form or shape represent the editorial opinions of AllPuntland.com.

  Gabay: Yaa Soomaaliyey Taagan Tahay Saaka Xaajaduye .

[ AllPuntland  Opinion/Fikradaha
December 23, 2001
Posted to the Web  15:18 GMT December 24, 2001
Boosaaso

Waxaa Qoray

Mohamoud Ahmed" 
mohamoud@columbus.rr.com 

December 23, 2001

Gabaygan waxa tiriyey Maxamuud Axmed Cabdalle wuxuna soo baxay maalinta kor ku xusan. Gabaygani wuxuu ka hadlayaa xaqiiqada jirta. Waxan ku hal qabsaday nin saaxiibkay ah oo aan isweydiinnay halka maanta arrini taagan tahay. Waxaba yaanan idin daaline, wuxu yiri: 

Sirma qabe adaan Maxamedow hadalka saafayne

Adigaan si hoosiyo u deyin siir u jeedda ahe

Samow daacadnimo waa middaan kugu sifeeyaaye

Haddaad siinka gabay igu tiqiin waan ka saahidaye

Saaxiib ma marin oo beryaan sahan ku laallaaye

Su’aashaad I weydiisay baan kuu sakalayaaye

 

Dadkii waa iskala soocayaa sebenka maanta ahe

Sirbaa lagu wadaa iyo wallee saaxir taladiise

Saqiir iyo kabiir waa ka samir seerka loo dhigaye

Sayid baan ihiyo madaxnimay dar isku seegeene

Iimaanku wuxu sare ka tegey saaqid iyo khaa’in

Warlord saancaaddaalaa khaldiyo sun iyo boog daace

Sumaddii amxaarkay wataan qaar salleelimane

Yaa soomaliyeey taagan tahay saaka xaajaduye

 

Labiyo toban sanay soo ahayd silic maryaadkaase

Sagadhkaad is taagtaba arlada way sunsumaysaaye

Sekedaha Sancay tuban tihiyo suuqyada Isliiye

Saranseerka qaarbaa ku tegey Siiriyiyo Ruushe

Sumcaddii hallawdiyo magicii soo jirka ahaaye

Naanays sirgaxan baa dhabtii qoorta loo sudhaye qaxooti

Sinjiyaad kun baa laga dhigiyo duul la saacido’e

Yaa soomaaliyey taagan tahay saaka xaajaduye

 

Diin sugan af wada saaxiyiyo dhaqan sal loo gaadho

Sokeeyiyo xigaalay ahayd beri samaadkiiye

Sandullaha gumaystaha waatay saydhay calafkiise

Waatay sahyuunddii iyo diidday sabihiiye

Waatay seetadiisii jartoo tuurtay salabkiiye

Maantana Sinaawi baw arrimin iyo sacii Moye’e

Sabsaabkii wax loo sogordahaa suun ku duug ma lehe

Yaa soomaaliyey taagantahay saaka xaajaduye

 

Wixii faallo ah waan soo dhoweynayaa, kalana xiriir Maxamuud:

E-mail: mohamoud@columbus.rr.com

Wixii Su'aal qoraalkaan aad ka qabto u dir qoraaga qoray, Magaciisa iyo email-kiisa ka eeg bilowga qoraalka. Mahadsanid

Aragtida Ku jirta qoraalka kore  waa mid ugaar ah qoraaga soo qoray, sinaba looguma fasiran karo mid ay la wadaagto ama u taagan Aragtida qorayaasha AllPuntland.com. Mahadsanid

| Dhiibo Aragtidaada  | Akhri Aragtida dadkii Kaa Horeeyay |

| Go Back Opinion Main Page | Go Back  |

Copyright © 2000- 2001 AllPuntland. Distributed by AllPuntland Global Media (allPuntland.com)


 Copyright © 2000-2001 by allPuntland.com. 
All rights reserved. Reproduction in whole or
in part is prohibited

Bravenet.com