War murtiyadeedkani waxaa si wada jir ah
usoo saaray qaar ka mid ah waxgaradka beesha Mareexaan ee Gobolka Gedo
ee ku nool Waqooyiga Ameerica, waxuuna ku saabsan yahay aragti
cabirkooda la xariira xal u helidda mushkiladda degi weyday ee
Gobalka Gedo.
Bal ugu horeyn, si aan ugu bayaanino
dadka aanan ogeyn dhibka ka jira Gobolka Gedo, waxaan soo qaadaneynaa
horudhac gaaban oo aan wax kaga sheegeyno waxa uu yahay dhibka hari
waayay ee Gobolka Gedo ka jira.
Marka haddaba aan isla garano halka uu
dhibka ka jiro iyo cidda dhibkaas wado, ayaan guda gali karnaa wax ka
sheegidda xal u helidda dhibaatadaas hari wayday oo soo jiitameysay
muddo dheer oo xataa ka horeysay intii uusan dhicin dagaalka sokeeye ee
saameeyay umadda Soomaaliyeed. Walaale-yaal, sida la wada ogsoon yahayba,
Gobolada Gedo iyo Jubadda Hoose dadka ku nool waxay u kala baxaan
dad lagu magacaabo reer Guri iyo Galti, reer Gurigu waa dadkii
muddada dheer halkaas deganaa, halka ay Galtiduna tahay kuwo dhawaan soo
galeen ah oo ka yimid gobalada dhexe.
Dadka reer Guriga ah ee
ku dhaqan labadaas gobol (Gedo & J/Hoose) waa dad nabadeed oo
dhaqankoodu ku saleysan yahay istixgelin
iyo isbad-baadin, halka Galtiduna dhaqankoodu ku
saleysan yahay boob, dhac iyo isdil.
Labada qowmiyadood ee kala ah Galti iyo
reer Guri haddana asalkoodu waxuu inta badan kasoo jeedaa labada qole ee
kala ah Mareexaan iyo Majeerteen.
Hadda, haddaad u fiirsato xididka
fidnada colaadda ay labadaas qolo isu qabaan waa mid ka yimd Gobolada
dhexe, waxayna dabkii iyo fidnadii ay Mudug ku hayeen u soo gudbiyeen Koonfurta
Soomaaliyeed, gaar ahaan J/Hoose ee Kismaayo iyo Gobolka Gedo.
Colaadda maanta Kismaayo ka jirto
ma'ahan mid ay bilaabeen walaalaha waligood deris wanaaga iyo istix
gelinta ku wada noolaa waa reer Gedo iyo reer J/Hoose e', ee waa mid
sida aan kor ku soo sheegnayba ka timid Gobolada dhexe ee Soomaalia.
Bal u fiirso hogaamiye-yaasha dagaalka
ka waday muddada dheer Gobolada Jubbada Hoose iyo Gedo sida: Gen.
Morgan, Gen. Axmed Warsame, Col. Bare Hiiraale, Col. Biixi, iwm.,
dhamaantood waxay ka yimaadeen Gobalada dhexe! Haddaad si qoto
dheer ugu fiirsato, dhib kasta oo maanta Soomaaliya ka jira waxuu
lug ku leeyahay Gobalada dhexe (Somali Central Regions). Waxaan
soo xasuustay warbixin hadda ka hor ay qoreen dad ajnabi ah oo ka socday
UN-ka, waxayna warkoodii kusoo koobeen.
THE ROOTS OF ALL PROBLEMS IN SOMALIA
HAS STARTED IN CENTRAL REGIONS, AND ITS SOLUTION AGAIN
LIES IN CENTRAL". Intaa kaddib, haddaan dib ugu noqdo
xal-uhelidda gobolka Gedo, waxyaabaha dhibka keenay waxaa ka mid ah iska
horimaadka labadaas qolo ee aan kor ku soo sheegnay iyo dhaqanadooda oo is
diidan, waa dhaqanka foosha xun ee Galtiyeed iyo midka suuban ee
reer Guriga.
Gebi ahaanba, ma'ahan oo kaliya
qowmiyadaha ku nool Gedo iyo J/Hoose ee reer Guriga ah in uu
dhaqankoodu ku saleysan yahay istixgelin iyo nabad-gelyo, balse waxaa
dhaqankaas wanaagsan la wadaaga qowmiyadaha ku nool Bay, Bakool,
Shabeelada Hoose iyo J/Dhexe.
Sidaas daraadeed; waxgaradka bayaankaan
soo diyaariyay oo isug jira rag, dumar, odayaal, dhalinyaro, iyo
aqoon-yahano ku kala nool magaalooyinka Waqooyiga Ameerica ee
asalkoodu yahay reer Gedo, waxay u arkaan in uu noqon karo xalka
Gobolka Gedo qodobada hoos ku qoran:
1) In dhamaanba ciidamada la
magacbaxay Isbaheysiga walaalaha
Gal-gaduudeed, Dooxada Jubba ama
ciidamada Ina Salaad Boy hadba
sida aad u taqaano ee dhawaan sida sharci darada ah kusoo galay
Gobolka Gedo (Baar-dheere)ay shuruud la'aan uga baxaan Gobolka.
2) In loo daayo
qowmiyadaha ku nool Gedo, Bay, Bakool, J/Hoose, J/Dhexe, iyo
Shabeelada Hoose in ay ka taliyaan aayahooda.
3) In Mareexaanka reer Gedo ay
fahmaan in Mareexaanka reer Mudug iyo Ceyr waxa ay ka wadaan Koonfurta
Soomaaliyeed ay tahay dhul boob ku dhisan kibir iyo xaqdaro, haddaanan
hadda si wada jir ah looga hortagina ay arrintu faraha ka bixi doonto oo
ay gaari doonto heer aanan waxba laga qaban karin.
4) In uu Mareexaanka Gobolka Gedo u
diyaar garoobo, gacana ku siiyo dib u dhiska iyo nabadeynta uu wado
Guddoomiyaha SNF (Chairman of Somali National Front)ee xiligaan Mudane
Maxamuud Sayid Aden.
5)
iyo ugu danbeyntii, dhamaan anaga oo ku hadleyna magaca beesha Mareexaan
ee Gobolka Gedo, waxaan tahniyad iyo bogaadin u direynaa Madaxweynaha
cusub ee dhawaan loo magacaabay in uu hogaamiyo Maamul Goboleedka SOUTHWEST
STATE OF SOMALIA, H.E. HASAN MOHAMED NUR (SHAATIGADUUD), waxaana Ilaah
uga baryeynaa in uu xilkiisa u fududeeyo.
Ilaah waxaan uga baryeynaa
umadda Soomaaliyeed in uu nabad waarta u keeno.
Wabilaahi towfiiq.
Beesha Mareexaanka reer
Gedo ee ku nool Waqooyiga Ameerika.