ka :dhamaan xubnaha Al-Islaax ee u dhashay
punltand iyo Jupoland ee joogo ( NORTH AMERICA, EUROPE IYO SOOMAALIYA)
ku: Dr. Cali sheikh Ahmed Abubakar.
Dr. Ibraahim
Dasuuqi
Dr. Cali Baashi
Dr. Mahamed Ali
Ibraahim
Sheikh Ahmed
AL-Qudubi
Iyo Dhamaan
Mas'uuliyiint iyo Culimaa udiinka Al-Islaax.
Ujeedo : CODSI WAX KA BADALID
SIYAASADA URURKA AL-ISLAAX EE KU WAJAHAN XAL UHELIDA MASHAQADA HEESATA
SHACABKA SOOMAALIYEED.
Walaalayaal marka hore waxaan halkaan
idiinka leenahay ASLAAMU CALEEKUM WARAXMATULAAHI WABARAKAATUH.
Marka xigata waxaan idiin sheegeynaa in aan ilaahey dartiis idiin
jecelnahay, idinkana waxaan idiin ka rajeeneynaa sidaa oo kale.
Walaalayaal haddii aanu nahay dadka u
dhashay deegaanka puntland kana mid ah uruka Al-Islaax waxaan in badan
ka fakareenay xalka soomaaliya, taas oo uu qof walba oo soomaali ah is
waydiiyo, balse ururo ahaan ama kooxo ahaan lagu kala aragti duwan yahay.
Waxaa maantay inoo muuqda khal khal
siyaasadeed in uu ku dhex jiro ururka aan ka mid nahay, kaas oo mar
walba hor istaagan dacwadii aan ku balanay siday u hana qaadi leheed
hana noqoto mid qabiil, ama mid dhaqaale ama dano kale oo gaar u
ah oo uu qofka ku fakari karo, intay taas na hor taagan tahayna ma aan u
maleeneeno in soomaaliya xalkeeda aan heli karno. Haddii aan sii
sharaxno soomaaliya waxay u qeeb qeebsan tahay qabaa'ilo iyo koox kooxo
is neceb oo intooda badan asal u ah xukun raadis iyo dhaqaalo raadis iyo
dhul raadis iyo kursi raadis, intaas waxaa sii dheer kuwo badan oo
fulinaya dano dowlado kale sida Ethiopia, D'jabuti, Libiya, Kenya,
Sudan, Masar ku waas oo maantay ka dhigtay ummadda soomaaliyeed kubad
lagu cayaaro oo marba dhic loo tuurayo ama ay raadinayaan isbaheesi la
rabo in lagula dagaalamo ummaddo kale, kuwaas oo markoodii horeba
nafiirsanayey oo aan noo soo dhaqaaqin, maantay oo ay khadka siyaasadeed
ama midka istraat! ijiga u daneenayaan soomaaliya ayaa ha mid sii bur
burineeso shacabkeenii iyo deegaan keenii.
Marka ururka al-islaax waji qurux badan
uma ahan in ay raacaan siyaasad qabiil ama mid koox ay ka dambeeso ama
mid dowlado kale loogu daneenayo. Waxaa maantay jirto in ururka al
islaax uu isu dhiibay kooxda Carta oo lagu soo dhisay dalka D'jabuti
kana mid noqday xubno firfircoon, iyadoo gacanta loo galiyey kooxka
Carta hantidii ururka uu lahaa sida Idaacadii wayneed ee muqdisho ku
taalaya iyo dhamaan maraakistii dacwada lagu fulin lahaa iyo waxyaabo
kale oo aan halkan lagu xusi karin.
Marka ma xal ayuu u arkay ururka Al-Islaax
in uu hogaamiyo Cabdi-Qaasim Salaad Hassan, taasi waa mid aan la aqbali
karin, Cabdi-Qaasim oo ah hogaamiye qabiil ama hogaamiye dhulbalaasi ku
wajan siyaasadiisa ama si xaq ah halgu doorto ama si musuq-maasuq ah
ha lagu doorto maantay waxaa inoo cad in uu Cabdi-Qaasim xal u rabin
soomaaliya uuna ku adeeganayo dad wax ma garato ah oo aan xal soomaaliya
u rabin. Cabdi-Qaasim oo ah midkii ka qeeb galay dagaalkii sokeeye
gobolada jubooyinka iyo shabeelooyinka, waana kii dhex dhigay ummadda
puntland iyadoo nabad ku jirta khilaaf iyo khal khal iyo bur bur asagoo
adeegsanaayo lacag aad u fara badan oo uu ka kala helay dowladiihii aan
kor ku xusnay iyo kuwa kale oo aan soomaaliya aan u rabin xal waarta.
Marka walaalayaal waxaan idiin soo
jeedineynaa ama idiinka codsaneenaa in wax laga bedelo aragtid aan la
aqbali karin ee uu ururka Al-Islaax maantay uu ku taagan yahay, xubnaha
ururka kama dhexeeso qabiil ama ganacsi ee waxay isugu yimaadeen ilaahey
dartiis, taas oo aas aas u ah ururka Al-Islaax. Haddii aan nahay
xubnaha u dhashay puntland kana mid ah ururka Al-Islaax waxaan ururka ku
wada shaqeen karnaa in laga bedelo meesha uu maantay taagan yahay, oo
lagu bedelo cadaalad, qabiil la'aan, dano shaqsiyadeed oo laga tago iyo
in aan loo shaqeen Cabdi-Qaasim iyo dhul balaarsigiisa.
Ilaahey waxaan ka baryeeynaa in aad si
wanaagsan noo fahantaan danbigeenii iyo keeniiba ilaahey cafiyo iyo in
uu ilaahey ka saaro dhibta heesa soomaliya maantay uuna ugu bedelo
cadaalad, ilaahey u dhawaansho, walaaltinimo ku dhisan is jeceel.
AAMIIN AAMIIN .
Ururka AL-Islaax waxaan ka rabnaa mudo 30
maalmood ah in uu wax kaga qabto arintaas aan kor ku xusnay, waxaad
nagala soo xiriiri kartaan emailka kor ku qoran.