“Waxaa Naxdin iyo fajac
noqotay in Guulaha faraha badan
ee ay sheegatay dowladda Carta ay u badan yihiin
burburinta deegaan, ismaamul, dad iyo dhaqaale ee
ay geysatay beelaha dega Puntland”.
Indheergarad,
Aqoonyahanno, Siyaasiin, iyo NGOs u badan beelaha
dega Puntland ayaa labadaii bilood ee na soo
dhaafay (Dec-Jan.) ku hawlanaa una fadhiyey sidii
ay uga babaadin lahaayeen khatatrta weerarka
hubaysan ee caadifidda iyo xaasidnimada qabiiliga
ah ku salaysan ee ay soo abaabushay dawladda Carta.
Hawgalkass oo ku bilowday dood furan, waraysiyo
xogxogaal ah oo laga soo uririyey dhammaan
deegaannada PL, la tashiyo toos oo weli lala
yeelanyo isimada beelaha deegaanka iyo weliba
wergelinta hayadaha caalamiga ah iyo dowladaha
daneeya arrimaha nabadaynta Somalia.
Waxaa la
abuuray guddiyo farsamo oo aad u nidaamsan una
badan aqoonyahanno kuaasoo si aan kala kac lahayn
ugu hawlan badbaadinta Ismaamulka Puntland iyo
Xoreynta deegaannada Jupaland.
Dowladda
Carta ayaa isla markii ay Japuti ka timid
hawsheedii ugu horreeysay ka dhigatay sidii ay
xoog ugu qaabsan lahayd deegaanka Jupaland gaar
ahaan dekadda mgaalada Kismayo, waxay ku soo
daadguraysay ciidamo maleshiyooyin qabiili ah oo
ku hubaysan tekinikada dagaalka oo aad u fara
badan lagan soo ururiyo deegaanka beelaha Carta,
waxaana markiiba kharash miisaaniydeed looga soo
daabulay misaaniyaddii carta ka heshay dhowr dal
oo Arab ah. Qabashadii kismayo erayo uu ka yiri
Abdiqassim ayaa waxay ka mid ahaa “waxaa
ciidammada maleeshiyada beelaha Arta Kismaayo ku
xassuqeen amxaaro!!” Dadkaas uu amxaarada ku
sheegay Abdikassim waxaay u badnaayeen carruur
iyo haween u dhashay beelaha PL.
Dowladda
Carta oo dagaalkeedii hubaysnnaa sii ballarisay
ayaa bil ka hor gacanta ku dhigtay dekaddii qur
ahayd ee Ismaamula PL, kaddib markii ay ka soo
daadgureyso Xamar doonyo sida Hub iyo saraakiil
milatery oo nasiib darro qaarkood u dhashay
beelaha dega PL.
Warar lagu
kalsoon yahay oo si joogta ah uga imanaya PL soona
gaaray PPAGs ayaa sheegay in Weerarkii Carta uu
hadda soo gaarey magaalo madaxdii Ismaamul
gobolledka Puntland Growe, waxayna u badan thay in
magaaldu gacanta u gasho Maleeshiyooyinka ka amar
qaata doowladda Carta waqti aan fogeyn.
Puntland
Peacec Advocay Groups waxuu baaq nabadeed oo furan
soo gaarsiinayaa dhammaan Somalida inta jecel
nabadda, wada nolaanshaha, danaynaysana in la soo
af jarto dagaalka sokeeye Somalida dhiig baxa
nololeed iyo cawaaqib xumada u keenay. Waxaannu
uga digayaan Carta in aysan Umadda Somaliyeed dib
ugu celin dagaalkii sokeeye oo ummadu ka soo
doogsatay tobankii sano ee la soo dhaafay.
Olalahan cusub ee Carta abaabushay ayaa waxuu
keeni karaa in uu sii kala fogeeyo ummaadda,
waxaannan u aragnnaa khatar cusub oo dul timid
minnimaddii iyo weliba jiritaankii umadda
Somaliyeed.
Waxaan ku
gubaabinaynnaa Somalida jecel nabadda gaar ahaanna
beelaha dega Ismaamulka DGPL in ay si wadajir ah
uga hor tagaan dagaalkan qaawan ee ku suntan
dhulballarsiga iyo nacaybka oo ay Carta ku soo
qaadday jiritaanka Nabadda iyo Xisiloonida PL iyo
Jupaland .
Puntland
Peace Advocacy Groups (PPAG)
Contact:
ppag2002@yahoo.com