Goáannadii
shirweynihii 4aad ee jaaliyadda Beesha Kablalax Daarood
23
Mars 02- ODENSA.
Denmark
Maalintii
Sabtida ee ay taariikhdu ahayd 23 Mars 02, waxaa magaalada Odensa ee
dalka Denmark lagu qabtay shirweynihii 4aad ee jaaliyadda beesha
Kablalax Daarood ee Denmark.
Shirweynahaasi
oo ay soo qabanqaabiyeen guddiga jasiiradda Fyn ee beesha Kablalax
Daarood oo isugu jira odayaal,culamaaudiin iyo aqoon yahanno waxaa ka
soo qayb galay dad aad u tiro badan oo ka kala yimid dhammaan
gobollada dalka.
Shirweynahaasi
oo u hirgalay sidii uu qorshihiisu ahaa waxaa la isku dhaafsaday
fikrado,si xeel dheerna looga wada hadlay arrimo muhiim ah oo khuseeya
midnimada iyo iskaashiga beesha Kablalax Daarood ee gudaha iyo dibadda
Soomaaliya.
Shirweynahaasi
oo socday in ka badan 8 saacadood waxaa ugu dambayntii ka soo baxay goáanno
si buuxda loo wada ansaxiyey, laguna ballamay in si dhaqso ah loo dhaqan
geliyo, waxayna ahaayeen:
-
In
sida ugu dhaqsaha badan loo diyaariyo shirweynihii 5aad ee
Beesha Kablalax Daarood kaasi oo heer qaaradda yurub
noqonaya, laguna qaban doono magaalo madaxda labaad ee dalka
Denmark ee Aarhus.Waxaana la goáansaday in si weyn loogu
wargeliyo dhammaan jaaliyadaha iyo waxgaradka beesha ee qaaradda
Yurub.Waxaana la filayaa in ay ka soo qayb galaan ergooyin iyo
shakhsiyaad waxgarad ah oo ka socda woqooyiga Maraykanka,dalalka
Carbeed iyo weliba Soomaaliya.
-
In
sida ugu dhaqsaha badan loo magacaabo xubnaha guddiga fulinta ee
midnimada iyo iskaashiga Beesha Kablalax Daarood ee Denmark,
kuwaasi oo ka masuul ah qorshaynta iyo hirgelinta
dhammaan hawlaha Beesha, waxaana sidoo kale la goáansaday in jasiirad
kasta oo ka mid ah saddexda jasiiradood ee Jylland,Sylland iyo Fyn
ay iska soo doortaan wakiilladooda u matalaya guddiga.
-
In
xil weyn la iska saaro sidii loo kordhin lahaa awoodda wacyi
gelinta,loona adkayn lahaa iskaashiga iyo xiriirka ay Jaaliyaddu
la leedahay jaaliyadaha kale ee kablalax Daarood ee aduunweynaha,isla
markaasina si weyn loola socdo xaaladaha Soomaaliya iyo
deegaannadii Beesha Kablalax Daarood.
-
In
si weyn loo xoojiyo golaha guud ee midnimada iyo iskaashiga beesha
Kablalax Daarood oo ah golaha rasmiga ah ee internetka ee isku
xira dhammaan jaaliyadaha beesha ee adduunweynaha.
Shirweynihii
4aad oo ku dhamaaday farxad ballaaran waxaa mahadcelin gaar ah iyo
qadarin sare loo gudbiyey guddiga iyo dhammaan xubnaha jaaliyadda
Beesha Kablalax Daarood ee jasiiradda Fyn oo iyagu xil weyn iska
saaray hirgelinta shirweynaha.
Beesha
Kablalax Daarood ee Denmark
unitedkablalax@yahoo.com