Beesha
Sade/Mareexaan waxay ka mid ahayd beelihii fara ku tiriska ahaa ee si
guud u taageeray wixii ka soo baxay shirkii carta. Arrintaas oo ay ugu
wacnayd beesha oo aad ugu baahi qabtay in xukuumad soomaaliyeed la helo.
Degaanka beesha oo abaaro iyo colaad badani ka jirto ayaa beesha ka
dhigay mid u dhago nuglaata cid kasta ee tiraahda dawlad soomaaliyeed
ayaan wadnaa. Hase yeeshee hadafkii carta wuxuu noqday mid la leexiyay,
beeshana hadda ku ah qatar cusub, taasoo ay ka shaqeeyeen, welina ka
shaqaynayaan C/qaasim iyo rag dhawr ah oo beesha u matala Baarlamaanka
KMG.
Khatartaas
oo meelo badan oo waddanka ah horey loogu eedeeyay dawladda KMG ah ayaa
waxay tahay mid hadda la doonayo in lagu wiiqo ama lagu waxyeeleeyo
midnimada iyo awoodda beesha. dagaalo dhawr ah oo degaanada beesha ka
dhacay dhawrkii toddobaad ee la soo dhaafay, ayna beeshu iska difaacday
ayaa C/qaasim doonayaa inuu beesha uga faa'iidaysto kuna kala dhantaalo.
C/qaasim
oo adeegsanaya taktikada qaybi oo xukun, moodayna inuu ka faa'iidaysan
karo baahida ay beeshu u qabto dawladnimo iyo taageeradoodii carta, ayaa
wuxuu u magacaabay laba nin oo WALAALO ah jagadii laba wasiir oo beesha
uu isagu u qoondeeyay, si uu u abuuro xiisad iyo kala fogaansho beesha
dhexdeeda ah.
Haddaba
arrimahaas iyo kuwa kaleba markii beeshu qiimaysay waxay soo saartay
go'aamadan:
1.
In beeshu kala noqotay gebi ahaan taageeradii ay u haysay go'aamadii
Carta;
2.
In mudanayaasha beesha ee ku jira Baarlamaanka iyo gole wasiireedka ay
raacaan rabitaanka beeshooda, hawlahoodii adeegga beeshana u wareejiyaan
degaanadooda, una hawlgalaan sidii ay caalamka ula qabsan lahaayeen;
3.
In la sii wado nabadaynta lagula jiro beelaha dariska ah sida Rahanwayn,
Harti-Daarood, iyo beelaha kaleba;
4.
In beeshu u hawlgasho sidii ay u samaysan lahayd maamul GOBOLEED/YO,
ugana qaybgasho shirka Nayroobi si madaxbannaan;
5.
In isbahaysiga dooxada jubba u hawlgalo wax la qaybsashada maamuladda
kale ee waddanka ka jira, una sii adkeeyo madaxbanaanidooda ay hadda ku
jiraan, isla markaana u sii xoojiyaan nabadaynta iyo heshiisyada beelaha
ka soo horjeeda, ayna ka qaybgalaan shirka Nayroobi;
6.
Ugu dambayntii waxaan ugu baaqaynaa hay'adaha caalamiga ah iyo qaramada
midoobay inay gobollada beesha ay ka daayaan gacan bidixaynta dheeraatay,
noqdaana kuwa xaqiiqda jirta ku shaqeeya, beeshuna waxay soo
dhawaynaysaa cid kasta oo kaalmaynaysa goobaha beesha ee abaaraha iyo
cuduradu dhinaca u riteen.
Beesha
Sade/Mareexaan ee Holland iyo Ingiriiska
|