NAIROBI, 7TH JULY 2002
BAAQ NABADEED
WELIGEY KUMA AAN FAKIRIN SHACABKA REER MIRIFLE AYAA WELI U
DHIMAN SILLAC, KHAX, GAAJO, DHIMASHO IYO COLAAD DAMBE MARKA DIB LOO
EEGO DHIBAATOOYINKII AY SOO MAREEN. AAWAY HALGANKII DHEERAA OO LAGU
XOREEYEY GOBOLLADA BAY IYO BAKOOL, AAWAY SHARAFTII IYO MAGACII LA
SOO HOOYEY OO AY U BOGEEN SHACBIGA SOOMAALIYEED IYO BEESHA CAALAMKA,
EE GAARSIIYEY IN MAGAALADA BAYDHABO LOO AQOONSADO XARUNTA QARUMAHA
MIDOOBAY LOOGA ADEEGO DALKA SOMAALIYA? KUMAA LA SAARI KARAA EEDDA
FADEEXADDA HADDA KA SOCOTO GOBOLLADA BAY IYO BAKOOL?....
AAD IYO AAD BAAN UGA XUMAHAY IN WALAALAHEYGA REER BAYDHABA MICNO
DARRO MURUQ-DAGAAL KU GALO IYADOO AAN WAX NATIIJO AH OO LAGA GAARI
KARO DAGAAL SOKEEYE AYSAN JIRIN. WALAALAYAALOW XUSUUSTA WIXII HORE
EE LA SOO MARAY. MAANTA MA FILAYO INUU JIRO SHAQSI SOOMAALI AH OO KU
FARXAYO DILKA RAXANWEYN KA JIRO; HADDII UU JIRANA WAA MID NAFTIISA
SHAKISAN OO AAN WAX ISTAREYN.
SIDAA DARTEED, WAXAAN SI XUSHMAD IYO WALAALTINIMO LEH UGA
CODSANAYAA GARABYADA DAGAALAMAYO INAY SIDA UGU DHAQSI BADAN U
JOOJIYAAN DAGAALKA MICNO DARRIDA AH, UNA SOO NOQDAAN DANAHOODA
GAARKA AH. WAXAA JIRTO MAAHMAAH INGIRIIS AH OO ORANESO "where
two elephants fight, grass suffers" DAGAALKA AAD RAAXO MOODAAN
WAXAA KU BAABA'AYA SHACBIGA REER BAYDHABO OO AAD DOONEYSAAN INAAD
BERRITO MADAX U NOQOTAAN.
WAANO WEHEL MA NOQOTEE ....WAX ISU FALA OO KA XISHOODA DADKA AAD
MATALEYSAAN ISLA MARKAANA AAD MAS'UULKA KA TIHIIN.........
MOWLIID MACAANE MAXAMUUD
GUDDOOMIYAHA SAMO AHNA