Samaysankii Maamulada ka jira Somaliland iyo
Puntland waxuu ku yimid baahi ka timid Dadkii meelaha ay ka samaysmeen
degganaa. waxaana sal u ahaa in dadkaasi ay yihiin dad isku hayb ah.mana
jirin mabda' aan ahayn in dakaasi isku reer yihiin, samaynta maamulkana
ay dani ugu jirto reer ahaan, dhibaato ku soo gaartey reernimadoodana ay
jirtey . Mana jirin mabda' guud oo kala dhexeeya Dadka kale ee ay
somaalinimda wadaagaan.
Waxaan la soconnaa in Puntland iyo
somalilandba ay ka kooban yihiin dhul cayiman oo dad gaar ahi
degaan u leeyihiin.
Markaa haddii run loo hadlo magacyadani (Puntland
,Somaliland) waxy u taagan yihiin magacyo qabiil waqtiga hadda. Ninkii
markaa mid aan kiisa ahayn sheegtaana wuxuu u muqanayaa nin haybtiisa
diiddan
Haddaba ruux kasta oo qurbaha joogaa wuxuu
si automatic ah ugu mid yahay maamulkaa dhulkiisii laga samyeey
maadaama uu reerkaas ka soo jeedo,meeshuu doono ha ku dhasho,koro ama
ku noolaadee.
Waxaad aad iiga yaabiyey waraysigii
Allpuntland la Meelatay Maxamed Khaawi. halkaas oo Maxamed ku sheegtay
in uu yahay nin somaliland ah. halka ay ahayd in uu automatic u
ahaado nin reer Puntland, maadaama uu yahay nin reer Laascaanood ah.
haddana qurbaha ku nool oo aanu u shaqo tegin Somaliland.
Dadka u kala shaqo doonta somaliland am
Kooxda Carta waxaa loo samayn karaa Garawshiinyo maadaama hungri iyo
xilkasnimo darro u geysey falkaas gurracan,balse nin qurbo jooga duruuf
ku xambaarta arrinkaasna ayan jirin. waa i dhici weydey in ruux
Miisaanka iyo maskaxda Maxamed Khaawi oo kale leh in hadalkaas laga
maqlo.
""waan ka cudur daaranayaa
hadalkayga haddii duruufo gaar ahi jiraan"".
Uma jeedo in aan canbaareeye odayga balse
waa ninkii iigu harreeyey ee reer Laascaanood ah ee aan ka maqalo isagoo
sheeeganaya Somalilandnimo.
adduunyada nin noolow maxaa aragti kuu
laaban.
Mohamed Salah
Australia