Posted
to the Web June
05,
2002 |
Marka hore waxaan jeclahay in
aan salaan u gudbiyo shacabka soomaliyeed ee dhibku ku haysto wadankii
somalia.Runtii xaalad adag ayay kujiraan dhalaanka somaliyeed intooda
badan waxay kusuganyiihiin xaalad xun oo isugu jirta
baahi,cuduro,dagaalo sukeeye iyo waxbarasho la,aan.12 sano oo laga joogo
maalintii uu qarxay dagaalkii sukeeye ilaa iyo iminkana qarxaaya
waxaa mustaqbal xumo kudhacaday badanaa jiilalkii waagaas dhiganaya
schoolada, kuwii waagaas dhashay iyo caruurtii dhalanaysay wiixii
kadanbeeyay dagaalkii sukeeye.
Hadaba labo sano kahor
waxaa carte lagu qabtay shir markii hore lamooday in uu dhaamo kuwii
horay loo qaban jiray markii danbese la eeday shirkaas waxaa kasoo baxay
hugaan kooxeed cusub oo layiraahdo cabdi qaasim salad xasan oo ahaa
waziir aan dhicin kahor sagaashameeyadii.
Hadaba hadii aan su,aasha aan
ku xusay bilowga maqaalka dib ugu laabto waxaan kubilaabay sidaan:-tan
iyo markii ladoortay mudane cabdi qaasim waxaa wadanka kusoo kordhay ama
uu soo kordhiyay lacago been abuur ah oo ay soo degsadeen xigtada mudane
cabdi qaasim salaad xasan sidaas darteed shacabka somaliyeed waxay soo
xusuusteen maahmaahdii ahayd hal xaaraan ah nirig xalaala madhasho waayo
dowladii jaale siyaad bare ayaa ahayd mid kudhaqanta dheefinta xigtada,
waxaa sidoo kale soo kordhay hubkii ewelba wadanka yiilay waxaa soo
kordhay in xabashidu ay wadanka kusii baldhaarato oo ay hirgalaan
khidadii xabashada waxaa dhacay iska hor imaadyo badan waxaa soo noqday
khadadkii cagaarnaa waxaa madaxtoyadii loo bedelay hoteelo iyo guryo.
waxaa batay dhaca iyo
booobka waxaa caadi noqotay dilka aqoonyahanada waxaa la arkay
qaranimadii somaliyeed oo sii dhumaysa.
Waxaa kor u kacay
maciishadii dadwaynaha waxaa batay is eedayn iyo iska
dabaraarac badan waxaa caado noqotay waziir iyo gudoomiye gobol oo
shaqadoodu ku egtahay woqooyiga muqdisho.Canshuur uruurin laga masruufo
burcadii wadanka denbiga kagashay waxaa la arkay sedex xarigle taliye u
ah ciidanka gobolka banaadir isla markaana amar siinaayo korneel
boliiska kusoo jiray afartan sano.
Waxaa la arkay beel metelaysa
xooga dalka somaliyeed isla markaana duulaan ku qaadayso deegaano
dadwayne.Iyadoo halkaas sumacdii looga dilay ciidankii xooga dalka
somaliyeed ee karaamadii uu lahaa ay caanka ka ahayd africa oo
idil.Ciidankaas waxaa sharaf dil lagu bilaabay markii uu geeriyooday
alaha u naxariistee jen.Daa,uud Cabdule Xirsi balse mudane
cabdiqaasim wuxuu gartay in uu god u qodo dabadeedna uu aaso si
aan mar danbe loo maqal kagadaal markii ladejiyay meelo qura loona
dhiibay dad gaar ah.
Hadaba beenta iyo
khiyaanada cabdiqaasim kuma ekayn inta uu isleeyahay waa ay kaasoo
horjeedaan ee wuxuu dulaysi kubilaabay ragii carte kasoo daba kacay
asigoo diiday in uu qaabilo mararka qaar isla markaana uu ixtiraamo
hadba kii haysta mooryaan wax qasi karta waxaa dhacay in hantidii
carabta gaar ahaan sucuudiga ugu talo galay umada in lakala kuusto
halkaasna ay isku gefaan cali khaliif galayr oo markiisii hore malaayiin
kadhacay warshdii mareeray isla markaana wax uga bartay wadanka
maraykanka kuna galay ganacsi asigoo share aad u baldhaaran ka ah
dahabshiil.Intii garaadka laahyd waa ay garanayeen in wax carte lagu soo
maleegay aanay soconayn kol hadii cali khaliif oo asiga iyo lacagba
ay aragti kadhexayso uu yahay waziirka koowaad daahir dayax iyo
king kong oo iska daa wax ay maamulaane guryahoodii dayacayna ay noqdeen
waziiro muhiim ah.Laakiin shacbak somaliyeed intiisa badan oo hal dheg
wax ku maqla ayaa si indho la,aan ah usoo dhaweeyay halkaasna waxaa
kasoo baxa y in uu aas aasmo cabdiqaasim oo ah dagaal ooge cusub oo ayba
kow u tahay dagaal sukeeye oo beeleed.
Sida muuqata labo sano
kadib cabdi qaasim waa kadare waayo markii uu yimid wax waliba kor ayay
u kaceen maciishadii kor ayay u kacday dagaaladii skueeye kor ayay
u kaceen oo waa bateen wax waliba waa ay isbedeleen ayakoo isku bedlay
si aad u xun wuxuu keenay isbedel aad u xun oo laga shalaaayay wuxuu
noqday ruux dhooqadii meel kasta daadsaneed ul kudhuftay
dabadeedna gaarsiiyay meel kasta waayo imaatinkiisii kahor dagaalku
wuxuu ku ekaa meelo kooban maanta meel kasta waa ay holcaysaa dhibku waa
badan yahay cabashadu waa badantahay xaalkuna alam tara ayuu dhaafay
waxay joogtaa kadaran oo dibi dhal.
Hadaba xal in uu keeno
ama uu soo celiyo qaranimadii mar hore dhuntay iska daaye wuxuu
kusuganyahay in dabkii ewlba shidnaa in uu gaas kusii shubo marka
su,aashu waxay tahay maxaa lagudboon mudane cabdi qaasim? sidee ayuu u
badbaadsan karayaa sumcadiisa shaqsiyadeed oo hadaba joogta meel aan
laga sheekayn karin iyo noloshiisa intaba?
hadaba waxaan usoo
jeedin lahaa in uu is cazilo oo uu israaciyo daadka socda ee meel uun ku
istaagi doona si wadnak looo badbadiyo ama ha raaco tubtii macalinkiisii ee
jaale siyaad bare ama mujaahil maxamed faarax caydiid.
Ugu danbayntii waxaan
rajaynayaa in ay gaari doonto taladaan waxayna joogtaa yaasiinka
waayo dal iyo dadba rogmasho ayuu kudhaw yahay marka waxaa haboon
in uu karaadsado sharafta waana in uu kasabraa kistii yareed ee uga
baxday carte markii uu waday barnaamijkiisii doorashada.
Wixii
Su'aal qoraalkaan aad ka qabto u dir qoraaga nasoo
gaarsiiyay Emailkiisa iyo magaciisa ka
eeg bilowga qoraalka.
|
Mas'uuliyada
Qoraalkaan waxaa leh qoraaga, AllPuntland Kaalinteedu Waa Baahinta
Ra'yiga xorta ah.. Mahadsanid
|
Ma doonaysaa inaad codkaaga gaarsiiso aduunka ku soo
dir fikir@allpuntland.com
, iska ilaali ereyo gef ku ah Diinta Islamka, Qabiil ama Qof. AllPuntland:
Akhristaha |
|