Nabadda Soomaliyeed fari kama qodna inta
qabiil doonayo in uu qabiil kale ku dul noolaado, waa mid aan shaki ku
jirin maanta in Soomaali meel walbo oo ay joogto ay doonayaan helitaanka
dowlad loo dhan yahay taana waxaa daliil u ah sida rag badan oo uu hormood
yahay Dr Cabdi Maxamed Culusow u soo dhoweeyeen dowladi looga dhawaaqay
dalka Jabuuti bishi Agoost dhamaadkeedi Sanadka 2000, taasoo in badan oo
Soomaliya sugayeen in ay wax ka badali doonto dhibaatadi dalkeena ka
aloosneyd muddadi ina Siyaad xukanka laga tuuray ilaa haddeer.
Waxaase xaqiiqo indhaha aan laga qarsan
Karin ah dowladdaas in ay u dhaqaaqday xoogeynta jufada uu ku abtirsado Dr
Cabduqaasim Salaad iyo sidi ay ugu nagaan lahaayeen deegaano aynan marnaba
xaq u lahayn maamulidiisa, waxaa intaas u dheer dowladdan iyo jufada ay ku
abtirsato in ay abuureen idaacadaha layska arko sida horn of Africa,STD
iyo kuwa maqalka iyo safhaddaha internetka wararkooda ku soo tebiyo sida
Ayaamaha.qaranimo iwm oo gedigoodba loogu tala galay in ay soomali weyn
jah wareeriyaan kana marin habaabiyaan xaqiiqada murugsan ee ka jirto
Gobalka banaadir weyne iyo koofurta dalka oo deegaan ahaan loo yaqaan in
ay ku noolyihiin dad lagu bartay wadaninimo iyo u adeegida qarankooda
laakin maanta dani ku qasabtay in ay ka gedoodaan isku dul noolaasho sabab
u noqotay deganaasha la’aanta ka jirto Gobalkaas iyo dowlad la’aanta
ku raagtay Dalka Soomaaliyeed, dadkaas oo uu hormood u yahay Xaaji Muuse
SuudiYalahow, una dhaqaaqeen sidi ay u abuuri lahaayeen dowlad gobaleed
wax la waddaagto goballada kale ee Soomali weyn si loo gaaro dowlad loo
dhan yahay, loogana hoos baxo qabiil doonayo in uu ku dul noolaado qabiil
kale si xaq daraa.
Waxaa maalinti ay taariikhda ahayd
Mars/23/Sabti/2002 lagu soo daabacay safhadda Ayaamaha maqaal uu qoray DR
Cabdi Culusow mudda Sanad ka hor ah isago oo doonayo in uu dhiiri geliyo
DKM, nasiib darase dowlad ku sheega lagu soo dhisay dalka Jabuuti waxaay
garab martay halki Soomaali weyn hiigsnayeen, waxaase su’aal isweydiin
mudan ah maxaay safxadda Ayaamaha maqaalkan mar hore la qoray u soo
daabacday mar kale keddib marki ay maqashay in Xaaji Musse Sudi Yalahow u
magacaabay DR Cabdi Culusow in uu noqdo afhayenkiisa gaarkaa ee qaaradda
maraykanka iyo dowladdaha isu tegay ee adduunka. Jwaaabta su’aashan waa
mid aad u sahlan waayo sideedaba safxadda Ayaamaha looma asaasin in ay u
adeegto danta guud ee ummadda Soomaaliyeed ee waxaa loo abuuray in ay u
adeegto danaha guracan ee jufadda ay ka soo jeedaan tifatirayaasheeda iyo
DR cabduqaasim Salaad oo iyaga hadafkooda yahay in Soomaliya lagu xukumo
qaab xumadi ay ka barteen macalinkoodi Siyaaad ee ahaa xukun oo qaybi .
safhadda Ayaamaha iwm waxaan u sheegeynaa
in uunan waqtiga uga dhumin isku dayga kala geynta dad walaalaa,kana
waantoobaan falalka xun ee raqiista ah, iyaga oo weli ku riyoonayo sii
joogitaanka Banadir weyne iyo koofurta dalka ,waxaa kale oo aan u
sheegaynaa in faraha lagula jiro howlihi soo xiritaanka taarikhdooda madow
ee koofurta dalka ,waana mid aan qarsaneyn oo uu kor u sheegay Xaaji Muuse
Suudi Yalahow isaga oo ay maanta dadkiisa dhamaantood oo uu horeeyo DR
Cabdi Mahamed Culusow diyaar u yihiin in ay ku garab istaageen soo
dhacsashada xaqooda iyo xaqa dad kale ee la degan deegaanka gobalka
Banaadir weyne iyo koofurta dalka Soomaaliya iyaga oo weliba ilaalinayo
xuquuqda Soomalida kale ee kula nool deegankaas.
Abdalla Moallim Mahamud.(Abdullahi
Siyaasi)
Moalem10@hotmail.com
Moallem@lycos.com