UJEEDDO: TAAGERID GUDOOMIYA USC/SSA
MUDULLOD
Taageerayaasha USC/SSA ee ku nool
Skandinaviya ( Sweden, Denmark, Finland iyo Norway ) waxay taageerayaan
baaqqa uu soo jeediyay guddoomiyaha USC/SSA Al-Xaaji Muse Sudi Yalaxow oo
ku saabsanaa in aan shir lala fadhiisanin Kooxda CARTA inta ay
sheeganaayaan dawladnimo been abuur ah, iyo inta deegaanno dad somaaliyeed
leeyihiin xoog lagu haysto, oo dadka deegaanka iska lahaa la bara
kicinaayo.
Kooxda CARTA waxay ku sifowday koox
deegaan boob iyo hanti boob iyo isku dirka iyo kala fogaynta dadyow
walaala ah ama isku deegaan ahaan jiray weligood, iyaga oo
adeegsanaayo shaqsiyaad hunguri qaaday oo dantooda gaarka ah ka
horumarinaayo danta guud ee deegaankooda iyo tan Somaliwayn.
Haddaba waxaan si buuxda u taageeraynaa
mawqifka ay qaateen halgamayaasha Muddullood ee uu ugu horeeyo Al-Xaaji
Muuse Suudi Yalaxow iyo Hilowle Imaan iyo Maxamed Dheere iyo Eng. Caddow
iyo Maxamad Siyid Cumar iyo Prof. Muse Cumar iyo inta kale oo
magacooda aan halkaan lagu soo koobi karin oo ku hawlan in Muddullood loo
sameeyo is-maamul goboleed ka madax banaan cid kasta.
Waxaan ka xunnahay siyaasiyiinta kale ee
Muddullood ee weli taageersan kooxda CARTA oo weli ku sii qanacsan
maamul xumada iyo ballan ka baxyada ay sameeyeen kooxda CARTA.Waxaana
u rajaynaynaa siyaasiyiintaasi Muddullood in ay mawqif wanaagsan ka
qaataan dhibaatada ay wado kooxda CARTA.
Somali ha nolaato. Ha guulaysto nidaamka
gobolaysiga madaxa banaan.
Xoghaya USC/SSA ee Skandinaviya
M/d. Adan Mohamed Ibrahim ( Oor )
Tel/fax 0046-31-154314 Xafiiska
Gothenburg-Sweden