Sida aan la wada socono ka dib burburkii dawladdii marxuum
muxammed siyad barre waxaa soomaaliya ka jiray is riixriix iyo dagaallo
qabiil ku salaysan oo hadba marxalad marayay illaa dagaalkii uu isku
badalay dagaal siyaasadeed oo soo afjarmi waaya, waxaana asaasmay ururro
siyaasadeed ee qabiil ku salaysan iyo kuwo diimeed sida
AL-ITIXAAD oo ka soo jeeda mad-hab ahaan dhinaca wahaabiyada sucuudiga oo
ay marxuumka dowladdiisu cagta ku haysay intaysan dhicin aarrimo
caqiido iyo kuwo siyaasaded awgood waayo marka la eego caqiido ahaan waxaa
wahaabiyada loogu abtiriyaa inay asal ahaan ka soo jeedaan khawaarijta oo
ah firqo ku abtirsata malcuunkii dul-khuwaysara ee rasuulka af
lagaadeeyay ka dib markii uu ku maleeyay rasuulka inuusan caddaalad
samayan amaba ilaah ka cabasan illaa uu ka faray inuu rasuulku cadaalad
sameeyo oo kaga dhiirado waxaan qof islaamihi karin. siyaasad
ahaanna waa dad u shaqaynayay dawlado shisheeye oo doonayay inay si aan
toos ahayn u maamulaan soomaaliya ka dib markii ay helaan dad iyaga
taabacsan caqiido ahaan oo khawaarij ah kuna sheqeeya fikirkooda qalloocan
ee islaamku go`doomiyay.
Haddaba burburkii dawladdii marxuum muxmmed siyaad waxaa
dadaal dheeraad ah u galay inay dadka ka waraabiyaan fikraddooda
wahaabiyada oo uu sucuudigu taageerayo iyagoo ka faa`iidaysanaya
dhibaatada markaa jirtay oo ahayd qax kala carar iyo gaajo dagaalku
sababay waxay dadkii u keneen cunto,timir dhar iyo waxyaabo bir bir ah oo
ay ku soo jiidayaan dadkii yaryaraa iyo haweenkii iyagoo sidoo kale
cay iyo dhaleecayn u soo jedinaya dadkii mas`uuliyiinta ahaa iyo culimadii
dadka illaa ay qaarkood uga tilmaamaan waa mas`uuliyiintee inayba yihiin
ama ahaayeen daaquudyo iyo asnaam la caabudo si ay dadka uga reebaan
dadkii ka horreeyay ee ay khayka ku dabo socdeen kala danbaytana u
tirtiraan, waxay qofkii raacay u bixiyen inuu yahay muwaxid diinta alle
kaligiis fahmay iyagoo siinaya magac saxaabi sida abu-dujaana
abu- cabayda abu hilaal iwm si ay u dhex dhigaan iyaga iyo qaraabadiooda
waa kuwii racaye wixii dhex yiil asxaabata iyo qaraabadoodii gaalada
ahaa iyagoo ku dabbakhaya ayaadkii qu`aanka ahaa figraddooda si aan looga
hor imaan ujeedadooda waxay fureen xeryo lagu tabo baro dhallinyaro
ay u bixiyeen mujaahidiin oo ah kuwo ay ka dhaadhiciyeen figraddii
go`doonsanayd ee wahaabiyada kana gooyeen ehelkoodii iyagoo galiyay waa
nasiib darree inay arrintaas waliba tahay alle u dhawaan iyo sharaf.
Arrintu si kastab ha ahaatee waxaa markiiba ka hor yimid culimadii
diinta oo diin ahaan uga war qabtay waxay yihiin iyo mesha ay ka soo
jeedaan iyo dadkii caqliga lahaa oo fahmay qallooca maamulkooda iyo waxay
damacsan yihiin mustaqbalka waxaa si xawli ah u biloowaday dhaqdhaqayo ka
dhana AL-ITIXAADKA ( wahaabiyada ) oo isugu jira kuwo lagu
caddaynayo qallooca caqiidadooda iyo ujeddo ahaan waxay
damcsan yihiin mus taqbalka oo ah inay xukun helaan ay dadka ku gumaadaan
gaar ahaan CULIMADA IYO wax gardka kale oo oo ay u arkeen inay
caqabo ku ahaayeen ujeedda dooda khaaska ah dhadhaqaaqaas oo sabab u
noqday inay si dagdag ah u gaaraan go`aan dagaal oo lagu qaado dadkii
dhibta dagaalka sokeeye la il darraa ee eheladooda ahaa iyagoo ku
magacaabaya dagaalkaa JIHAAD!! waxaana halkaa ku biloowday dagaalkii
ugu horreeyay ee ku dhex maray iyaga iyo dadkii kale gobollada w/bari
ee soomaaliya oo ka billowday gobolka nugaal dagmada garoowe ka dib markii
ay hareereeyeen dhamaan wax gardkii dadka daga dagaanka w/bari ee isku
bahda ah oo ay qarka u fuuleen inay dhamaan wada laayaan arrintu si kastab
ha ahaatee dagaalkii waxaa lagaga adkaaday ciidankii AL-ITTIXAADKA (
wahaabiyada ) waxaana halkaa ku baaba`ay dhallinyaradii maanta wax maamuli
lahayd ee isku bahda ahayd oo ay wax ku shubeen kana hor keeneen
ehelkoodii iyo qaraabadii ay lahaayeen!! .
wax yar ka bacdi waxaa asaasmay dawlad goboleedkii puntlan oo ay
madax ka noqdeen dadkii hogaminayay dagaalkii lagaga hortagay wahaabiyada
ee lagu jabshay waxayna wahaabiyadu dagaalkoodii u badaleen mid
qaboow waxay awwooda saareen inay indhaha dad waynaha oo markaa iyaga
kaliya hayatay iska leexiyaan iyagoo dad kasbanaya waliba dhinaca madax
dhaqameedyada xagooda, waxay qadeen tallabo ay ku furfurayaan dadkii oo
iska hor keen ah iyagoo gaar ahaan raggii hogaaminayay dagaalkii lagaga
hor tagay farta ku fiiqaya .
waxay dadaal u galeen siday wax ugu shuban lahaayeen madax
dhaqamedyada qaarkood amaba madax dhaqameedyo cusuboo iyaga ah ugu samayn
lahaayeen qabiilkii ay ka helaan arrintaas wax kasta ha ku qaadatee
waxaanad arkaysaa inay qabaa`ilka qaarkiis maanta leeyihiin madax
dhaqameedyo itixaad ah oo dagaalkaa ka dib la sameeyay ama
madax dhaqameedayada qaarkood lagu jiiday 35% qabiil ,lacag iwm oo ay
shirarka ehehlku danohooda uga hadlayaan soo fan galinayaan dano
AL-ITTIXAAD waxayna hadda dhaqdhaqaaqoodii laallaabeen ka dib
dhismihii dawlada carte ee wahaabiyada ah iyagoo haddana ka
faa`iidaysanaya is khilaafkii isimmada oo ah laf dhabarta dhismihii dawlad
goboleedka puntland ee sanadkaan waxaa isa soo sharraxay rag siyaal isku
sheegay ee ittixaad ah iyo kuwo u janjeera xagooda kuwaas oo u diiday inu
cago dhigto maamulkii gobolku iyagoo raadinaya isku dhac ehel oo ay mar
labaad ku baaba`aan dhallinyaro walaalo ah oo qaarkood wax ku shubteen
taas oo sabab u noqondoonta inay gobolku gacanta dadka u dhashay ka boxo
oo hoostago dad aan u dhalan oo wahaabiyo ah iyo dad shisheeye
haddaba waxaan wax garadka gobolka u dhashay talo ahaan ugu soo jedinayaa
inay maanta talada ka foro buuxsadaan oo aysan cadow isku dhiibin iyo
waxaan danaynayn sharaf ku noolantooda, waxaan dadka mas`uulka ah ee
goblka ku baraarujinayaa inay hoos wax u eegaan oo ay ka leexdaan waxa
dhaawacaya sharafka dadka ay mas`uulka ka yihiin iyo soomaali oo dhan
amaba muslimka waxaan leeyahay ha halmaamina taariikhda iyo
wixii la soo maray hana ka seexanina mustaqbalka waxa soo aadan sidaad
dadka aad mas`uulka ka tihiin u gaarsiin lahaydeen waxay tiigsanayaan iyo
sharaf ku noolaan nin walboow is xilqaanoo nin lagu seexdoow ha seexan.
Waxaan issimada reer puntland u soo jeedinayaa inay mar labaad
u kulamaan sidii ay madaxa ciidda uga qaadi lahaayeen oo u toosinlahaayeen
maamulkooda gobolkana ugana ilaalin lahaayeen inuu noqdo mid ay xassil
la`aani ku dhacdo oo cago dhigan waaya iyo inay meel uga soo
wada jeestaan cadowgooda nin kastuu ahaadaba!!!!!!!!!
C/O ALLAAHI HUSSEIN NUURIYE21@HOTMAIL.COM
COLUMBUS UNIVERSITY
