Abwaan,
Somaliyeed baa yiri, " Baadida rag baa kula daydaya daalna kaa badane,
oo aan haddana doonahayn inaad heshaa." Haddaba dadweynaha reer
Puntland waxay geed dheer iyo mid gaabanba u fuuleen sidii loo heli
lahaa dowlad Somali oo dhan rali ka tahay oo soo celisa sharaftii iyo
karaamadii ay adduunka ku lahaayeen.
Dowlad
ugu baaqda dadweynaha qurbaha ku dhiban inay dib ugu soo laabtaantaan
dhulkooda hooyo oo ay dib u dhisaan guryahoodii la burburshay iyo
beerahoodii.
Reer
Puntland waxay horseed u ahaayeen shirkii Sodare ee lagu heshiiyey in
laysugu yimaado Bosaso oo dowlad khayr qabta lagu dhiso oo layswada cafiyo.
Reer
Bosaso iyo walaalahooda Puntland waxay awoodooda oo dhan isugu geeyeen
siday walaalahooda Somaliyeed ugu soo dhaweyn lahaayeen gurigooda, gacan
weyna uga gaysan lahaayeen midaynta Somalida wada dhalatay oo mugdigu soo
kala dhexgalay, laakiin nasiibdarro waxaa loogu jawaabay " Arreey
Bosaso qabiil baa dagee xaan ka doonaa?" Taasna waxay ku abuurtay
niyad jab,balse waxay isku raaceen inaysan ka daalin raadinta dowlad loo
dhan yahay iyo taakulaynta walaalahooda tacadiga lagu hayo.
Puntland
waxay ummadda walaalaha ah ugu baaqday in qofwalba gurisiisa dib ugu
laabto, wada tashi iyo nabadayn , dabadeedna ay dhistaan maamul u gaar ah
oo ay soo celiyaan nabadii faraha ka baxday, doortaana madax ay raali ka
yihiin oo danahooda ilaasha, ka bacdina laysugu yimaado dowlad dhexe oo la
wadaago difaaceeda iyo nafaacigeedaba.Nasiibxumo, raggii diiday Bosaso iyo
kuwa qowlaysato ah ayey u cuntami-weydey aragtidaan, dano khaas u ah
darteed, dabadeedna go'aansaday inay dowlad been abuur ah ku soo dhisaan
Carte iyo carigaa Jabuuti, waxaana Puntland iyo Bosaso loogu abaal guday
in gurigoodii nabada ahaa dab laga shido oo ay yiraahdeen, " Arrey
dowlad dhexe warkeeda daaye, guddoomiye aan kusoo diraa, Kismaanyana anaa
dagee xaad ka downaysaa?" Haddaba dadweynaha Somaliyeed intiisa
nabadda jecelow, waayo cidda diidan in Awrka la wada rarto?
Ma
Ittixaad iyo kuwa masaajidkii lagu cibaadaysanaayey la galay siyaasad iyo
abaabul dagaal intay ummadda ku hanuunin lahaayeen, baa diidan? Mise kuwa
xoogga iyo xaaraanta ku dagan guryihii dadka danbi laawa-yasha ah oo aan
doonayn in dib danbe laysu arko? Malaha waxaa diidan dadka qoriga ku
haysta dhul aysan lahayn oo ina BOOY baarqabka u yahay?
Ciddii
diidanayd iyo kuwii dilaalka u ahaa in la dhiso dowlad dhexe, hadda waxaa
caddaan ah in qoraxdii bari iyo halkaa Bosaso ka soo baxday in
iftiinkeedii Ilaah mahaddiis gaartay Koonfurgalbeed oo himaladii reer
Puntland horseedka ka ahayd, hadda ay noqotay wadada qura ee Somali ku
walaaloobi-doonto- DOWLAD DHEXE!!
Raage
Jaamac
U.S.A
|