Ujeeddo:-
Been sheege waa balo abuure
Yaan
loo kabo galinin.!!!
Waxaan
salaan iyo hambalyo u soo gudbinayaa maamulka iyo Editerska Shabakadda
caanka noqotay ee ALLPuntland, waxaan idiinku hambalyeenayaa sida aad ugu
guuleysateen hirgalinta iyo adeegsiga habka ama nidaamka cusub ee baahinta
dunida maanta ka socota, waana tallaabo horumar weyn lagu gaadhi karo sida
fudud ee la isugu tabinaayo ama la isu gaarsiinaayo wax kasta oo la
xiriira akhbaar cusub…..Fikrado..
Aqoon…Cilmi-baaris..Dhacdooyin-siyaasadeed….mid-dhaqaale..ama
mid Bulsho, IWM.
Waxaana
u rajeynayaa shabakadda ALLPuntland, kuna boogaadinayaa wax-garadka
masuulka ka ah ee maamulkeeda haya amaba mulkiilaheeda ah ,inay noqdaan
kuwo ka qaata kaalin hormuudnimo u adeegista Bulsho-weynta Soomaaliyeed,
kuna guuleysta baahintaiyo soo bandhigidda barnaamijyo objuctiv ah , oo
wax tar u yeesha umadda soomaaliyeed soon jiita akhristayaasha kala duwan
ee ku kala nool qaarradaha dunida.
Waxaan
intaas raacinayaa, waxaa beryahan danbe caado noqotay in akhristayaasha
Internedka markasta oo ay galaan Webkiinna ama bogga ALLPuntland in ay la
kulmaan wax qoraallo-ku sheeg ah oo ku saabsan Safaaradda iyo Jaaliyadda
Soomaaliyeed ee dalkan Kuwait ku nool, oo muddo dhowr bilood ah soo
celcelinaysa, hadallo dicaayad ah oo raqiis ah, oo ku wajahan Safiirka
kana been sheegeysa Jaaliyadda iyo xaaladaha ka dhex-jira,
Ujeedadeydu
ma aha in aan ka jawaabo qoraalladaas waayo ma mudna in laga jawaabo,
balse waxaan rabaa in aan dhowr arrimood u soo jeediyo maamulka ama
editerska shabakadda:-
-------Sida
lawada ogyahay akhristayaashu ama dad-weynuhu waxay xaq u leeyihiin inay
soo bandhigaan wixii ay hayaan oo talo ama rayi ama fikrad iyo aqoon ah,
editerkuna faragalinin, hase ahaatee waxaa xaq loogu leeyahay qodobadan:-
In
qofka wax soo qoraaya uu sheego magaciisa oo dhammestiran iyo
cinwaankiisa oo buuxa si looga raadraaco qoraalkiisa
-
In
qoraalkiisu uusan noqonin mid wax u dhimaaya qof kale ama hayad
kale,sidoo kale waa in uusan wax u dhimeynin dhaqanka iyo xeerarka
guud ee ummaddu qadariso.
-
Waa
in qoraalkiisu noqonin mid lid ku ah ama wax u dhimaaya ujeedooyinka
iyo sumcadda guud ee hayadda baahinaysa qoraalkiisa, waana in laga
heli karo haba yaraatee wax dan u ah akhristayaasha ama
Markii
aan qodobadan ku miisaanno qoraallo ku-sheeggan ina hor yaalla waxaa cad
inay ka fogyihiin wax mudan in la baahiyo sababtoo ah:-
A)-Soo
diraha qoraalladan marnaba ma sheego magaciisa dhabta ah oo magadcyo aan
jirin iyo E-mail been aabuur ah ayuu adeegsadaa, tusaale ahaan fiiri
qoraallada kala ah----
-----(Posted
to the Web 11march) waxuu qortay Abdo Abdi,
(Posted
to the Web march ) waxuu qortay Dhallinyarada Soomaalida Kuwait
(Posted
to the Web 23 march) waxuu qortay Cadaalad Qaran??????
Waxaa
intaas sii dheer mar waxuu sheeganayaa inuu ka mid yahay Jaaliyadda ku
nool dalka Kuwait ,marna waxuu sheeganayaa inuu ka mid yahay Jaaliyadda ku
nool London??(waa labada qoraal ee isku xiga oo todobaad gudahood ah
march)
Hadaba
,intaas oo been abuur ah oo is wada burinaaya inay dareemi waayeen
editersku ama ikyagoo dareensan ay daneyn waayeen waa nasiib darro
dhaawacaysa kalsoonida iyo sumcadda ay shabakadu leedahay.
B)Qoraalllo
ku-sheegani waxay meel kaga dhac iyo xsad gudub ku yihiin shaqsiyaadka
loola jeedo ka sokow dhammaan jaaliydda soomaaliyeed ee ku dhqan dalka
kuwait gaar ahaan odayaasha iyo aqoonyahannada mar walba lagu
maxaabsanaayo magacyadooda oo iygoo aan ka warqabin magacyadooda lagu soo
qoraayo Internetka, sidoo kale waxay ceebaal ku yihiin dhaqanka soomaalida
ee xishoodka iyo dhowrsanaanta qadarin jiray, waxaa ceeb ku ah
dhaqankeenna xurmeynt mudan in meel fagaara ah lagaga hadlo priveciga u
gaarka ah xaasaska iyo gabdha soomaaliyeed, hadaba maxaa keenay Wiilka iyo
Gabadha Soomaalieed ee is guursaday haddii khilaaf soo dhex galay in
sheekadooda Internetkka lagu faafiyo aaway xishoodkii???? mid kale oo ka
sii daran, dadka soomaaliyeed waa iswada guursadaa waana iswada dhalay
maxaa keenay sheekada ku saabsan xaaska madax-weynah iyo cidda ay u
dhalatayiyo noloshooda u gaarka ah in lagu xsd-gudbo oo Interneetka qoro
ceebeyn been abuur ah, maxaase dan iyo faaiido ah oo ugu jira
akhristayaasha Internetka shabakadda baahineysa midkoodna dhaqanxumida
noocan ah.
C) Asaasayaasha Webka AllPuntland ama milkiilayaasha maamulkeeda haya ma
filaayo hadafkooda ama barnaamijkooda shaqo inay ka mid tahay in ay sii
qasaan oo biyo kusii daraan arrimaha soomaalida oo muddo dheer soo qasnayd
, balse maxaa dhacaya hddii la sii wado baahinta qoraallada noocan ah,
waxaa la soo gudboonaan doonta laba arrimood oo midkoodna u fiicnayn
sumcaddooda iyo shaqadooda. Oo kala ah :-
---Inay
diyaar u noqdaan baahinta qoraallo kuwan la heer ah oo wada been abuur iyo
xad gudubyo iyo dad ceebeyn ku saleysan oo jawaab u ah waxa labaafinaayo,
taas oo shabakadda ka dhigaysa goob fadhi ku dirir ah oo dadka
soomaaliyeed ee ka daalay dagaalkii xabadda u fureysa dagaal kale oo
caytin iyo aflagaadeyn ah, akhristayaasha sharafta lehna ay ka leexdaan
gelitaanka weebkiinna .
Inay
diidaan baahinta jawaabaha loo soo diro markaasna ay ku sifoobaan kuwo
dhinac ah oo iyagu dan gaar ah ku wata baahinta sheekooyinka noocan ah.
Labadaas
arrimood midina uma fiicna shabakada sumcaddeeda riyaalbilitigeeda waxaana
sidaas kaga lumaaya kalsoonida akhristayaasheeda.
Ugu
danbeyntii waxaa jeclahay inaan idiin sheego:-
_____Jaaliyadda
iyo Safaaradda Soomaaliyeed ee deggan dalka Kuwait dhammaantood xog ogaal
buuxa ayay u wada yihiin cidda ka danbeysa qoraalladan iyo wax yaabaha ku
qasbaaya, mana xiiso galinayso wax kast oo ay soo qoraan.
_____Safiirka
jooga kuwait sida kuwa kale waddan kasta jooga waxuu hoos yimaada oo
masuul ka ah wax qabadkiisa xumaan iyo samaan midkasta ha ahaatee laba
dowladood oo kala ah midduu ka yimid ee uu wakiilka ka yahay iyo dowladda
uu wadankeeda joogo midwalbana waxay leedahay hayado uga soo warbixiya
dhaqdhqaaqiisa iyo wax qabadkiisa, Danjiraha Kuwaitna ma aha mid bir ka
sameysan oo labadaas dowladood aanay wax ka qaban karin haddii ay jiraan
wax uu ku muteysto in wax laga qabto ee nidaamka dowligu uma dheg
raariciyo qof kabtiisu xoqeyso, oo dano gaar ah wata.
Gabagabadii
waxaan ku gunaanadayaa hadalkeyga, haddii maamulka ALLPuntland uu
aaminsanyahay hal kudhegga astaanta u ah ee dhaheysa:-
(RUN
SHEEG WAA KHEER SHEYR SHEEG)waa inay ku dhaqmaan mabdaooda oo aanay ka
leexan waxaana ugu darayaa halkudheggooda mid kale oo ah:-
(BEEN
SHEEGE WAA BALO ABUURE YAAN LOO KABO GALININ)
Mahadsanidiin
Cabdiqani Maxamad Wacays
La-taliyaha
Kowaad ee Safaaradda
Soomaaliyeed
ee Kuwait,
Tel.
00965-5394795 M.B.6420628
Kuwait,6.4.2002
Qoraalada
AllPuntland daabacday oo lagu eedeeyay Maamulka safaarada Somalida ee
Kuwait oo uu CabdiQani Wacays ka mid yahay maamulkas, qoraal kasta waxaad
ka helaysaa cinwaanka (Email) aad kala Xiriirayso:
Fariinta
Kooban ee Maamulka AllPuntland: Maamulka
Safaarada iyo Akhristayaashayada qaaliga ahba waxaan u sheegaynaa in Allpuntland
ay soo bandhigayso ra'yiga xorta ah ee Akhristaha, iyadoon ka eegin inuu
yahay mid wax dhaliilaya ama amaanaya, kaliya Allpuntland waxay ilaalisaa
inaan lagu gefin Diinta Islaamka, Qabiil ama qof shaqsiyadiisa .
Dhaliisha
Macnaheedu maaha Gef, AllPuntland Dhaliisha waxay u taqaan Sixitaan.
Qoraalkasta
oo Akhristayaashu ku Cabiraan, kuna sheegaan Fikirkooda ama ogaalkooda ee
AllPuntland Kusoo baxa wuxuu lee yahay oo ku cad bilowga qoraalkasta email
address lagala xiriiri karo qoraaga ama soo gaarsiiyaha AllPuntland, email
Address-kaas oo inuu shaqaynayo oo sax yahay ay AllPuntland Hubisay.
AllPuntland
way baahinaysaa Codkiisa (Fikirkiisa iyo ogaalkiisa) qof kasta
iyadoon ka eegin darajadiisa si loo helo sinaan xoriyada codka, waa
haddii ay ka madax banaan tahay Gef.
Sidda
ku cad dhamaadka qoraalkasta oo akhristayaashu soo qoraan, AllPuntland
mas'uul kama aha, wax fikir iyo fara galina ahna kuma laha ra'yiga
akhristaha ee kusoo baxa qaybta Ra'yiga akhristaha ee AllPuntland.
Kor
u qaada codkiina oo Ha la idin maqlo.....