Dabcan saxsanaanta ama khaldanaanta
dhinacyada isku haya u arriminta
Puntland waxay ku xidhantahay hadba ruuxa
fikaraddiisa caabirayaa
dhanka uu giraanta ka istaago,ama ruuxu
isagu sidaa aragyaa ama wax kale sabab
u noqdaaba.
Waxaase cad in wax dagaal beeleed ah
ama fikir beeleed ku
shaqaynayaa aanu meesha ka jirin.
Haddii aynu hoos ugu degno dhinacyada isku
haya Puntland waa labo qolo oo mid kastaaba
meel salka ku hayso fikrad u gooniyana wadato.wax asal ahna aanku lahayn
ruuxu beesha uu ka soo jeedo.
Bal eeg Isamdu sidey u kala fikarad
duwan yihiin, bal eeg Taliyaha
Daaraawiishta iyo inta badani ciidamadiisu waa Reer Nugaaleed,
taliyaha Ciidamadu sidoo kale labaduba waa ciidamada
la wareegey dhammaan xarumihii
dawlaada ee Garoowe.
Waxaa dad badani aad ula yaabay hadalkii
Suladaan Garaase
ee BBCda ee arrinaka u
leexiyey Cabdillaahi yusuf oo Reer Cumar wata in uu ku soo duuley
Ciise.
hadalka caynkaas ahi ma aha Hadal Isim runtii
waa hadaladii Qabqablayaasha dagaalka (warlords).
sidiisaba Isimku meelkasta waa ka isim,
marna dhaqan uma lahayn isku caraynta ama abuurid wax aan jirin.
Ma garanyo waxa Suldaanka hadalka
caynkaas ah ku kallifey.
malaha waa isagoo aan horey ugu
tababarreyn isinnimo.
Horena aan loogu soo sheegin sida loo
furdaamiyo markay arrini sidaa u ribbato markaad isimka tahay.
kama hadlayo sharcinimadii(isnimada
Suldaanka). waayo beel ayaa dooratay wuxuuna tixgelin u yelanayaa sida kuwo weligood soo jirey,
balse waxaa looga baahanyahay isimada
cusubi in ay wax ka bartaan kuwa ka khibarada badan.
bal eeg ragga tababarka 70 sano(islaam
Maxamed Islaan Muuse) wata mawqifkooda.
Gunaanadkii hadalkayga waxaan leeyahay
Suldaan Garaase wuu xujoobey ee ha is xujo furo
Mohamed saalah