Waxaa Qoray
Sanyare
sanyare@qwest.net
Waxa mahad leh ilaaha na uuntay, waxaan ku faraxsanahay si qadarinta
mudan ee maanta loo badbaadiyey caasimadii puntland (Garoowe),taasoo
si qadarin leh ay dhamaan u guntadeen
Odayaasha,Aqoonyahanadda , Ciidamada Daraawiishta iyo
Shacabka qadarinta mudan ee reer puntland.
Maanta waxa aan u hamiyeyno waa shantaas gobol iyo Boohoodle,marka si
dhayil ah yaan loo bur-burin.
Siyaasadda
Somaliya si fiican baan ula soconaa dadkayaga dabadaha
jooga,waxaana mar kasta ka soo horjeednaa kooxda
Carta,sababtoo ah mawqifkoodu waa cad yahay-kaasoo ah in
marna aysan ka tanasulin dhulalka ama deegaanada ay xooga ku
haystaan.
Anigu
waxaan ahay nin somaaliyeed ,somalina waa la noolaan karaa
isna waa ila
noolaan karaa,laakiin qofna deegaankiisa lagama qaadi karo
sida hadda ka jirta Jubooyinka iyo shabeelooyinka somaaliya.
C/qaasim
waa somaali , qof kastana madaxtinimo waa doonankaraa
laakiin wax aan marna faa'iido u lahayn waa xukunkaan dadku
aysan rabin.
Hadii
xukun wax taraayo waad soo martay, maanta somaali badbaadi
oo sidaas dawladi kuma soconkartee ka tanasul madaxtinimad
aad sheeganaysid.
Shir loo
wada dhan yahay ha la qabto halkaasna dawlad rasmi ah oo caalamku
aqoonsan yahay la dhiso, si wixii horay u dhacay loo ilaawo,
waxaan arinkaan ka wada hadalnay dhalinyaro badan oo aan ku
wada noolnahay wadankaan Maraykanka, isku si baan arrinkaas
u wada aragnay.
Somaali
oo dhan waa dad walaalo ah oo isku jeer ah, kanaa weyn
iyo kanaa yar horay bay abwaanadda soomaaliyeed u sheegeen.
In xad ahna dagaaladdii sokeeye waa laysku bartay marka hada
waa wakhtigii wax kasta la xalin lahaa, waxaan sii maraynaa
11-sanno, ma waxaan nahay dad cawaana oo aan wax garanayn,
maxaan dagaalkaan intaas socda ka
helaynaa,maxaan
wiilasheena dagaalka ugu dhamaynaynaa, waxaa filayaa waa
inoo caqli xumo inaan dagaal aan xad lahayn ku dhamaano.
Waxaan
hadalkayga ku soo gaba-gabaynayaa C/qaasim Salaad
arintaas aan kor ku sheegay ayaa nasateexadu ku jirtaa,
waxaa lagu jiraa bil barakaysan (Ramadaan), wax kasta
ilaahay waa aqbalaa bishaan,arinkaas
fuli ilaahay ha kula garab galo.
|