Make your own free website on Tripod.com

ILLAAH BAA WEYN AWOODOO DHAN ISAGAA LEH!

AllPuntland Waxay Awoodaa inay soo Bandhigto  Wax ayan Kuwa kale Awoodin ! Run sheeg Waa Khayr Sheeg !

Ra'yiga Akhristaha 


WARQAD KUSOCOTA DKMG AH ( DHALIIL,SALUUG IYO GAABIS )

Posted to the Web   April 23, 2002

WQ

M . A. Uulaa

heelaale@hotmail.com 

 

KU:MADAXWEYNAHA DKMG AH C/QAASIM SALAAD XASSAN
KU:R/WASAARAHA DKMG AH        XASSAN ABSHIR FAARAX
Og: GOLOHA BAARLAMAANKA
Og:GOLAHA WASIIRADA
Og:GOLAHA NABADAYNTA IYO DIB UHESHIISIINTA
Og:ODAYAAL DHAQAMEEDYADA UMMADA SOMALIYEED.
 
                                      DHALIIL IYO SALUUG
 
Sida aan lawada socono waxaa ka dhacay gobolka W/Galbeed Somaliya siiba Hargaysa xasuuq loo gaystay dad rayid ahaa oo soomaaliyeed iskuguna jiray bulshada noocyadeeda kala duwan,falkaas foosha xun oo uu gaystay gudoomiyaha W/Galbeed Ina Cigaal iyo maamulkiisu waxay si bani,aadnimada ka baxsay u xasuuqeen ulana dhaqmeen 172 qof 42 kamid ahi ay ugaliyeen gacanta cadowga ummada somaliyeed ee soo jireenka ahaa (Ethiopia) inta kalana ay weli ku xidh-xidhan yihiin jeelasha Hargaysa,ayna sugayaan in loo dhiibo maamulka kaligii taliye Malez Zanaawi.
Maamulka ina Cigaal oo doonaya inuu colaad ka dhex abuuro shacabka soomaaliyeed ee walaaha ah ree Ogadeniya iyo ree W/Galbeed ,dhaqan,dhaqaale,xidhiidh ganacsi oo qoto dheerna ay ka dhaxayso si uu uga dhax faaiidaysto colaadooda oo cidina aysan ugula xisaabtamin maamulka iyo cabudhinta qasabka ah ee uu ku hayo shacabka W/Galbeed.
 
Hadaba Ina Cigaal  taariikh madow kuleh ummada somaliyeed dhexdeeda, ee waxaa su,aal mudan DKMG ahi ma waxay u dhalatay dad gooni ah gobol gooni ah mise soomaali weyn  ayay u dhalatay? calanka xidigta shan geesoodka ahise muxuu matalayaa,Cabdiqasim iyo maamulkiisu hadaysan ka turjumi karin dhibaatada shacabka somaliyeed lagu hayo meel kastaba hajoogee muxuu shanta gees ee xidigta hal mid oo kaliya u qaadan waayey afarta kalana ma matali karo u odhan waayey?

ma Dow baa mise waa dowladnimo in DKM ahi ay u hadasho shacabka qaar qaarna u aamusto mise weli C/qaasim wuxuu rajo ka qabaa Ethiopia oo ma quusan.
Waxaa wax laga xumaada ah in wasaarada warfaafinta DKMG ah aysan xitaa qoraal ama hadal  cambaarayn ah kasoosaarin xasuuqa loo gaystay shacbkaa somaliyeed,iyadoo dowlado ajnabi ahi intaas ka hadleen,hay,adaha xuquuqal insaankana ay uordayaan sidii ay uogaan lahaayeen dadkaas Ethiopia loo dhiibay halkay lageeyay iyo waxay mudanayaan.

 

Soomaali waa u dhaqan inay islayso is dhacdo laakiin waxa uu ina cigaal kukacay waa arin ugub ah oo soomaaliya horay looga maqlin,hadaba DKMG guud ahaan,oday dhaqameedyada ummada soomaaliyeed,cuqaasha,aqoonyahanada waa inay hadal cad ka soosaaraan arintan ugubka ah ama ay jideeyaan ama ay cambaareeyaan.
 
Xasuuqa ina Cigaal iyo aamuska DKMG ahi waa arin naxdin iyo uurkutaalo leh xasuuqa W/Galbeed laga gaystayna waa mid xisaabta kujirta jawaabna laga bixin doonoxiliga kuhaboon.waxaan hadalkaygii kusoo gunaanadayaa waxba waxbaa iiga sii darane DKMG ah ha unoolaato cadowgeeda koowaad Ethiopia iyo murtadka islaanimada sicad ooga baxay ina Cigaal.
 
M.A. Uulaa

 


Kor u qaada codkiina oo Ha la idin maqlo...


The opinions contained in this article are solely those of the writer, and in no way, form or shape represent the editorial opinions of AllPuntland.com

Please direct all questions on the above article to

Wixii Su'aal qoraalkaan  aad ka qabto u dir qoraaga nasoo gaarsiiyay Emailkiisa iyo magaciisa ka eeg bilowga qoraalka.

XusuusNoow: AllPuntland wax faragalin iyo fikrad ah kuma laha qoraalada Akhristayaashu kusoo bandhigaan ogaalkooda, hawlqabadkooda  iyo Fikirkooda, Kaalinta AllPuntland waxay ku kooban tahay oo kaliya baahinta . Mahadsanid

Kulaabo Bogga Hore AllPuntland / Go Back Home |

Copyright 2000-2002 by AllPuntland.com.  

All rights reserved.