Waxaa Qoray
Hassan Nuur
SRG14@jubiimail.dk
Anigoo tixraacaya qoraalo kala duwan oo aan ka helay
dad, aragtiyo kala duwan ka muujiyey gabay
ku soo baxay Allpuntland
10.12.2001. Gabaygan walow aan ku hal-qabsaday Cali Khaliif
Galaydh, hadana gabaygu intaas wuu ka mugwayn yahay oo guud
ahaan wuxuu ku wajahan yahay Reer Carta gaar ahaana intii
martida u ahayd Muqdisho oo waxay higsanayeen iyo waxay kala
kulmeen ku noqotay kaaf iyo kala dheeri. Gabaygu kuma
wajahna qabiil gaara balse wuxuu ku wajahan yahay wax kasta
oo ku sifoobi kara Mooryaan (nimo). Erayga Mooryaan waxaynu
odhan karnaa waa qof (dad) daacadnimada ka dheer, khaayin/miin
ah, xishoodka aadamaha iyo kan ilaahayba ka dheer, waxaanad
ku garan kartaa innagoon qofna farta ku fiiqin calaamadahan:
Ø
Afcaashiisa/sheeda/shooda
Ø
Qawlkiisa/keeda/kooda
Ø
hab-fekerkisa/keeda/kooda...
FG.
Taasi waa argtidayda, waxana odhan karaa anigu falaadh ayaan
meel dhigay cidna uma dhawayn waxaase iska leh ninkii
dhufsada.
Ma joojin doono Insha Allah inaan inaan si fagaara
ah u dhiibto aragtidayda oo hadal ku meel mariyo ujeedadayda
halka Mooryaantu xabbad iyo caga juglayn wax ku meel
marsadaan, Fadlan adiguna adeegso inaad aragtidaada dhiibato.
Mahad Alle ka sokow waxaan u mahad celinayaa:
- Warfaafinta Soomaalida feker kasta oo ay leeyihiin, kuwaas oo inoo
suuro geliyey inaan ku dhiibano aragtideena mar-marna
inoo noqda markhaati.
- Intii E-mail-ada aan ka helay iyo intii akhrisatay oo dhuuxday micnaha
gabayga mu’ayid iyo mucaaradba.
Wa billahi towfiiq
Hassan Nuur
|