 |
Abdalla
Moallim Mahamud |
Waxaa beryahan la hadal hayaa Nayruubi in
shirweyne loogu qaban doono kooxaha ama hogaamiyayaasha Soomaaliyeed ee ku
herdamaayo gacan ku qabashada awooda u sareyso ee Dalka Soomaaliya ,waxaa
kale oo maalmahan soo if baxaayo si caddaana in Itoobiyo iyo kooxaha la
gacan wadaago oo kaashanayo dhowr dowladood oo IGAD ka tirsan in ay ku
dhowyihiin soo xiritaanka albaabadi u dambeeyay ee DKM oo iyadaba aan la
imaan maamul dadweynaha Soomaaliyeed qancin karo oo wax tar leh keddib
marki ay ka badin weysay saddex waxyaabood oo curyaamiyay ku guuleysashada
meelgaarsiinta Dastuurki,Golihi shacabka iyo Dowladi ay soo dhiseen
Dowladda jabuuti iyo kooxaha gacan saarka la leh( waa kooxda Carte),
Saddexdaasi waxaay yihiin in madaxweynaha DKM ka badin waayay dhisida
ciidan xoogan oo jufadiisa gacanta ku hayso iyo maleeshiyaad qabiil oo
iyaga la kala diro keddib marki uu xoogeysto ciidankaas hergalana qorshaha
hore, laba, xubnihi barlamaanka iyo wasiiradi oo iyaga intooda badan ka
badin waayay in ay fuliyaan dana guracan iyaga oo ku tumanaayo xeerarki ay
ahayd in lagu dhaqmo kol haddii uu cariiri gelaayo helitaanka
qadadooda,jiifkooda iyo masruufki ay u dirsan lahaayeen reerahooda oo ay u
dheertahay in badankoodaba aynan matalin dadka ay magacooda ku adeegayaan,
Saddex, baryo aan dhamaan,safaro macna darraa, been abuurid lacageed oo
horay u jirtay laakin siyaaday keddib imaantinka DKM iyo abuuritaan kooxa
cusub oo iyaga qalaalasa ku abuuro kooxihi diidanaa aqoonsiga ama la
heshiinta DKM halki la dooni lahaa dib u heshiin iyo wax wada qabsi guud.
Hor dhac keddib maanta Soomali weyn
waxaay is weydiinayaan waa intooda badan helitaanka dowlad loo dhan yahay
iyo nabadgalyo hareereyso waddanka oo dhan iyo barwaaqo saameyso dadka
Soomaaliyeed, muxuu soo kordhinayaa shirka la filaayo in uu ka dhaco Dalka
Kenya,Magaalada Nayroobi ? Muxuusa kaga duwan yahay shirarki hore loogu
qabtay kooxaha soomalida ee isku haayo gacan ku qabashada ilaha dhaqaale
iyo qaybsiga awooda dalka Soomaaliya u sareyso?
Inta aanan u guda gelin ka jawaabidi
su’aalaha kor ku xusan waxaa is weydiin mudan yey yihiin kooxaha la rabo
in la kulansiiyo? awoodoodase inteey la egatahay ,mase mathaleen dadka ay
ka soo jeedaan? maxayse isku diidan yhiin maxayse heshiis ku yihiin?
1)Kooxaha larabo in la kulansiiyoo waa
Afar kooxood
A)kooxda koowaad waa kooxda carta oo
aanan dooneyn in aan ku dheeraado faala ka bixinteeda waayo iyaga waa
xaadir muuqaalkooda dadka Soomaaliyeed ka dheragsan yihay , haddiise ay
dhab noqoto in ay u istaagaan koox ahaan Shirkan la hadal haayo iyaga ma
matalaan wax dhaafsiisan jufada hoose oo uu ka soo jeedo Dr Cabduqaasim
Salaad xasan, taa macnaheedana waa qabiil xoog ku haysto dhul ay leeyihiin
qabaa’il kale oo Soomaaliyeed doonayana in uu shirka ka helo sad bursi
haddii uunan mar kale isku dayinba noqoshada madaxweyninimo si toosan iyo
si dadbamba.
B )waa kooxda SRRC oo iyada ah koox isku
bahaystay riditaanka DKM ee lagu soo dhisay Dalka jabuuti, mana jirto
arrin siyaasadeed,deegaan, dhaqaale iyo mid milatariba oo ay ka mideysan
yihiin taana waxaa daliil u ah iyaga oo marki laga reebo hogaamiyaha RRA
Maxamed.X.Nur Shaati gaduud iyo G/USC/SSA Xaaji Muuse Suudi Yalaxow goob
joog ka ahaa Shirki carta ka hor shirarki kooxaha is haysto ee Soomaali
weyn heshiisiintooda loo qabtay oo geddigoodba ku dhamaaday guul darro .sidaa
darteed waxaa hubaal ah waa haddii ay SRRC ku Guuleystaan dabargoynta DKM
,Shirka nayruubina qabsooma in ay u gala jabayaan koox koox mid waliba
fakarkeeda yahay in aan meel laysugu imaan haddii la reed maro halka ay
gocaneyso.
C) waa Qabiilka isxaaq oo iyaga ku
adkeystay in ay yhiin dowladda Somali land iyo in aynan ka soo qayb geleyn
shirweyne looga arrinsanaayo arrimaha guud ee Soomaaliya oo ay ku jirto
goballada woqooyi galbeed balse ay wada hadal la galayaan oo keliya dadka
ku nool soomaliyada koofureed haddii ay samaystaan dowlad ay heshiis ku
yihiin ama maamul ka tarjumayo mideysnantooda .taana faala ka bixinteeda
maanta waa arrin ka baxsan qabashada shirka nayroobi ee la hadal haayo.
D)Kooxda afaraad waxaay ka kooban yihiin
kooxo ay abuurtay DKM iyo kooxo yar yar ee ka soo jabay SRRC oo jahawareer
siyaasadeed ku dhacay , geddigoodna miisaan saas u culus kuma laha
looltanka siyaasadeed ee shirka la hadal haayo ee Nayroobi waxaase jirto
xaqiiqana ah in Madaxweynaha Cusub ee Puntland Jamac .C.jamac oo isaga ka
mid ah kooxdan uu wax weyn u dhimi karo culayski uu lahaa Madaxweynaha
Puntland Cabdulaahi yuusuf ka hor inta aynan laba u kala jebin awoodi
maamuleed ee Puntland .
2)waxaa iyada aad u adag in la tilmaamo
awooda maleeshiyeed oo ay leeyihiin kooxaha soomaalida ama tan siyaasadeed
waayo ma jirto koox keliya ee soo afjari karto dagaalada sokeeye ama nabad
lagu nasto ka abuuri karto meelaha taladooda hoos timaado sidaas darteed
waxaa la dhihi karaa kooxahan ma laho wax awooda haba yaraatee oo aan
ahayn in ay abuuri karaan oo keliya xasilooni darri marki danahooda
gaarkaa ciriiri galaan ,mana jirto cid ay matalaan oo cod buuxo ku siisay
maamulada ay sheeganayaan intooda badan.
3)kooxaha Soomaalida ma jiraan waxaay
heshiis ku yihiin mana jiraan waxaay isku diidan yihiin waayo khilaafkooda
ma’ahan mid ku salaysan mabda’a ha ahaado mid siyaasadeed,diineed iyo
mid dhaqaale laakin waxaa hubaala khilaaf walbo oo dhex yaalo kooxahan
inuu ku salaysan yahay dana shaqsiyadeed iyo mid qabiileed oo haddana aan
ka wada tarjumayn danaha qabiil fulaan ama qabiil fulaan.
Aan yara dib ugu noqono shirkan la hadal
haayo ee Nayroobi muxuu kaga duwan yahay shirarki horay Soomaaliweyn
heshiisiintooda loogu qabtay? Mxuxuusa ku soo kordhin karaa arrimaha
Soomalida faa’iido iyo khasaaro?
Faalo iyo falaanqayn keddib xaaladda guud
oo ay ku sugan yihiin kooxaha isku haayo maareynta ama xal u helida
dhibaatadan laba iyo toban jirsatay ee ka taagan geyiga Soomaaliyeed oo
dhan,waxaa kuu soo baxayo in aan waxba iska beddelin siyaasadaha ama
xeelaladaha xun xun oo ay ku dhaqmaan hogaamiyayaasha Soomaaliyeed
muddadaas kor xusan ilaa haddeer, sidaa darteed shirkan waxba kagama
duwana shirarki ka horeeyay oo aan ahayn keliya in uu soo dedejinaayo in
mar kale hoos loo dhigo calanka Soomaaliyeed oo hadda ka lalmanaayo aqalka
dowladaha isu tegay ee adduunweynaha iyo aqallada haya’ada siyaasadeed
oo kale ,tan ulama jeedo in aan leeyahay ha la garab istaago DKM ilayn
hogaanga DKM waxba umma haayo ummadda Soomaaliyeed oo aan ahayn in uusoo
kordhiyay dhibaatooyin hor leh iyo kooxo cusub oo damac kuwada jiro.
Ma muuqdaan haba yaraatee wax
faa’iidooyina oo kasoo baxayo shirka Nayroobi waa haddii uu qabsoomee,
ilaa in la helo adduunweynaha(Addunka maanta waa hal qudbi oo uu usareeyo
Maraykanka) oo cadaadis culus ku saaro ka soo qeybgalayaasha shirka in ay
ka tanaasuleen arrima badan oo dhalanteeda kuna salaysan dana shaqsiyadeed
ama mid qabiileed oo ciriiriya oo aan kan tarjumayn ku soo celinta
Soomaaliya xaala nabadeed iyo sidoo kale in Adduunweynaha ku adkeeyaan
Dowladaha deriska la ah somaaliya sida Itoobiya,Kenya iyo jabuuti iwm
joojinta faragelinta qayaxan oo ay ku haayaan arrimaha gudaha ee
Soomaaliya. taa hadii la helo waa rajo in shirkaa ka soo bixi karo xaamid
karasaayga Somaaliya, hadii la waayana, ilaaheyna uunan irid kale
soomaalida u furin arrinta waa Nayroobi oo noqoto nabar hor leh oo
Soomaalida ku dhaco iyo shimbirayahow heesa waa sida caadada u ahayd
hogaamiyayaasha Soomaliyeed..
Abdalla
Moallim Mahamud(Abdullahi siyaasi)
Moallem10@hotmail.com
Moallem@lycos.com