Taariikhda gudcurka ee Soomaalida ku habsatay haddii aanu dib u raacno waxaa markiiba noo muuqato waxyaabo badan oo il-duuf ah haddii aan loo dhabo-galin amase loo kuur-galin inta badana waxaa lagu sugnaa xogagalnimo qarado-jeex ah oo waxaad had iyo gooraale maqashaa mushkilada Soomaaliada heysato in loo aaneeyo hagardaamo dhex-taalo beelaha Soomaaliya loona nisbeeyo loolan hogaameed oo beel-waliba birmadkeedu yahay baro ka muuqasho hayeeshee markii loo dhabo-galo arrintaas waxey ku  soo xirantaa barkuma-taalo iyo sheeko-baraley...

 

Dabcan hadii si niyad sami loo raaco taariikhda gurcurka ah ee indho-sircaadisay shacabka Soomaaliyeed oo waa mid u kalo dhantaalan labo qaybood oo kala ah biimo iyo beylo.

 

Markii la riday kaliyo-talanimada diktaatooriyada aheyd dalka ka jirtay oo lagu hanweynaa inuu isbadal wacan dhaco waxaa lama filaan soo if-baxay jahawareer siyaasadeed oo ah qar iska tuur dalkana ku sugay marxalad xasaasi ah dhalisayna colaad dhumuc-dheer, bara-kicin baahaday, burbur xad-dhaaf ah, bililiqo ba'an oo baas wareeg ah, boob burqaday, bud-dhig iyo baroor badatay , baasuke iyo boobe in la isku adeegsaday dalkuna noqaday wax biimo ah dawdaro inaga dhashayna ku dhaqaaqeen udbha u siibaan qarankii dhamaa kana dhigeen gabaahirig iyo goob laga haajiray.

 

Argagaxiso, Geed-jini mukhaadaraadle, qolof bukeeni kaganacsade, dhir-xaalufiye, canshuur ka carare, hub ka ganacsade, danbiile gacan ku dhiigle, lacag been-abuure, sun-qabire, afduube, leegeeste, canshuur-qaade iyo in kaleba waxey soo ifbaxaan markaad beylo tahay ... anigu waxaan yaabaa markii madaxda Soomaalida eedeeyaan dawalaha dariska la Soomaaliya iyagoo iska indha-tiro oo aan marnaba eegin kuwa dhibaka dalka ka wado oo colombia ka dhigay Soomaaliya  dhibkuna wuu jiri haddii aan la qaban dawdarada dowlad diidka ah dalkii haligay.

Wixii Su'aal qoraalkaan  aad ka qabto u dir qoraaga nasoo gaarsiiyay Emailkiisa iyo magaciisa ka eeg bilowga qoraalka.

XusuusNoow: AllPuntland wax faragalin iyo fikrad ah kuma laha qoraalada Akhristayaashu kusoo bandhigaan ogaalkooda, hawlqabadkooda  iyo Fikirkooda, Kaalinta AllPuntland waxay ku kooban tahay oo kaliya baahinta . Mahadsanid